Вазорати энергетика ва захираҳои оби ҷумҳурӣ роҳи бастаи деҳаи Хичихи ноҳияи Роштқалъаро дубора боз кард
ХОРУҒ, 25.12.2018 /АМИТ «Ховар»/. Як сол пеш бар асари сангчарх, тармаву селфароӣ роҳи мошингарди деҳаи Хичихи ноҳияи Роштқалъаи Вилояти Мухтори Кӯҳистони Бадахшон баста шуд. Ин деҳа дар баландии 3 ҳазор метр аз сатҳи баҳр ҷойгир буда, дар ин ҷо зиёда аз 40 хонавода зиндагӣ мекунанд. Баъди баста шудани роҳи мошингард бошандагони деҳа маҷбур шуданд масолеҳи сохтмонӣ, маводи сӯзишворӣ ва маҳсулоти озуқавориро бо хар ва ё пуштора ба манзилҳои худ кашонанд.
Сокини деҳаи мазкур Карамхудо Раҳмихудоев гуфт, ки «ҳамдеҳагон барои ҳалли масъалаи мазкур ба масъулин муроҷиат карданд. Баъди чанд муддат мутахассисони Вазорати энергетика ва захираҳои оби ҷумҳурӣ ба деҳа омада, пас аз шиносоӣ бо вазъи роҳ ба таъмиру васеъкунии он шурӯъ карданд. Давоми ҳамагӣ як моҳ роҳ на танҳо барқарор, балки аксарияти қитъаҳои душворгузари он васеъ карда шуданд. Ин ба сокинони деҳа имконият дод, ки акнун бе душворӣ масолеҳи сохтмонӣ, маҳсулоти озуқаворӣ ва бахусус маводи сӯзишворӣ, чун ангиштсангу ҳезумро сари вақт захира намоянд».
Бояд гуфт, ки аксарияти сокинони ин деҳа ба чорводорӣ машғул шуда, маҳсулоти ширу гӯштиро дар бозори шаҳри Хоруғ ба фурӯш мегузоранд. Онҳо аз ин ҳисоб оилаи худро бо маводи зурурии рӯзгор таъмин мекунанд. Баъди баста шудани роҳи мошингард на ҳамаи бошандагони деҳа тавонистанд маҳсулоти худро ба бозор бароранд, ки ин ба иқтисоди оилаҳои зиёд таъсири манфӣ расонид.
Инак бо кумаки Вазорати энергетика ва захираҳои оби ҷумҳурӣ ҳаёти сокинони ин деҳаи дурдаст ва баландкӯҳ боз ба маҷрои аввала баргашт.
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
