ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: То ҷашни Истиқлолият дар Ҳисор Маркази бузурги савдои «Самоҳ» ба истифода дода мешавад
ДУШАНБЕ, 9.01.2019/АМИТ «Ховар»/. Интизор меравад, ки дар арафаи ҷашни 28-умин солгарди Истиқлолияти давлатии Ҷумҳурии Тоҷикистон дар шаҳри Ҳисор Маркази бузурги савдои «Самоҳ» ба истифода дода шавад. Дар ин бора Сармеъмори шаҳри Ҳисор Тоҷиддин Шамсуддинов ба мухбири АМИТ «Ховар» иттилоъ дод.
Маркази савдои «Самоҳ» дар майдони 10 гектар доман густурда, аз ду ошёна ва 17 қисм иборат мебошад. Фармоишгари сохтмони Маркази савдои «Самоҳ» Ҷамъияти дорои масъулияти маҳдуди «Самоҳ» мебошад. Масоҳати умумии ин иншооти бузурги савдо 9 ҳазору 963 метри мураббаъро ташкил дода, дорои 450 адад мағоза хоҳад буд.
Ҳамзамон Маркази савдои «Самоҳ» дорои таваққуфгоҳ бо фарогирии беш аз 400 адад нақлиёт мебошад. Алҳол корҳои сохтмонӣ дар ин иншоот босуръат идома дошта, дар он сохтмончиёну мутахассисон саргарми коранд.
Назар ба иттилои Сармеъмори шаҳри Ҳисор Тоҷиддин Шамсуддинов, корҳои сохтмонӣ дар панҷ қисмати иншооти мазкур ба анҷом расонида шуда, интизор меравад, ки он дар рӯзҳои таҷлили ҷашни 28-умин солгарди Истиқлолияти давлатии Ҷумҳурии Тоҷикистон мавриди баҳрабардорӣ қарор дода шавад.
Бояд тазаккур дод, ки чанде пеш муовини Сарвазири мамлакат Азим Иброҳим зимни сафари корӣ ба шаҳри Ҳисор бо ҷараёни корҳои сохтмонӣ дар бархе аз иншооти бунёдшавандаи ин шаҳр, аз ҷумла Маркази бузурги савдои «Самоҳ» шинос гардида, ба масъулин ҷиҳати босифат бунёд намудани ин иншооти бузурги хизматрасонӣ дастуру супоришҳо дод.
Дар баробари ба истифода додани Маркази савдои «Самоҳ» дар шаҳри Ҳисор се ҳазор нафар бо кор ҷои кор таъмин мегарданд. Алҳол дар бозори «Самоҳ» қариб 1900 нафар соҳибкорон фаъолият доранд. Инчунин ба нақша гирифта шудааст, ки дар оянда дар шафати Маркази бузурги савдои «Самоҳ» бо мақсади баланд бардоштани сатҳи хизматрасонӣ ба меҳмонон меҳмонхона бунёд карда шавад.
Раванди корҳои бунёкорию созандагӣ дар минтақаҳои гуногуни мамлакат дар ҳоле ҷараён дорад, ки се соли оянда- солҳои 2019-2021 дар Тоҷикистон бо Фармони Президенти Ҷумҳурии Тоҷикистон Эмомалӣ Раҳмон «Солҳои рушди деҳот, сайёҳӣ ва ҳунарҳои мардумӣ» эълон гардидаанд.
Марзия САИДЗОДА,
АМИТ «Ховар»
Дар Бӯстон оид ба нақши Хизби Халқии Демократии Тоҷикистон дар таҳкими истиқлолият ҳамоиш доир шуд
Соҳибкорону сокинони ноҳияи Восеъ роҳҳои байни деҳаҳоро мумфарш менамоянд
Намояндагони Хадамоти гумруки Тоҷикистон дар ҷаласаи хотимавии Барномаи БОМКА-10 иштирок намуданд
Ба шарафи ҷашни Истиқлолияти давлатӣ дар Истаравшан олимону соҳибкорон қадрдонӣ гардиданд
Дар шаҳри Кӯлоб терминали мусофирбарии «Гулбоғ» ба истифода дода шуд
Ҳаракати воситаҳои нақлиёт тавассути нақби «Хатлон» муваққатан қатъ карда мешавад
Доир ба Истиқлоли давлатӣ ва рушди низоми ҳуқуқии миллӣ конференсияи ҷумҳуриявӣ баргузор шуд
Таҷрибаи Тоҷикистон дар самти рақамикунонии фаъолияти гумрукӣ дар Бишкек муаррифӣ гардид
ОМОДАГӢ БА ЗИМИСТОН. Дар зеристгоҳи барқии «Ленинобод» трансформатори пуриқтидор насб карда шуд
Дар Узбекистон ба шарафи 34-солагии Истиқлолияти Тоҷикистон барномаи фарҳангӣ баргузор гардид
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
Сарвари давлат Эмомалӣ Раҳмон Муассисаи давлатии «Маркази таърихию фарҳангии Балҷувон»-ро баъд аз таъмиру навсозӣ ба истифода доданд
