Дастаи мунтахаби наврасони то 17-сола бо «Истиқлол» бозии санҷишӣ барпо кард

Январь 17, 2019 15:00

ДУШАНБЕ, 17.01.2018. /АМИТ «Ховар»/. Дар доираи омодагӣ ба мусобиқоти байналмилалии «Ҷоми истеъдод-2019»  дастаи мунтахаби то 17-солаи мамлакат бо чемпиони солҳои охири Тоҷикистон -дастаи «Истиқлол»-и Душанбе дар Варзишгоҳи марказии шаҳри Душанбе бозии санҷишӣ барпо кард. Мухбири АМИТ «Ховар» мавзӯъро шарҳ медиҳад.

Вохӯрии дастаҳо бо бартарии комили чемпионҳо гузашт. Хатои муҳофизатгари дастаи наврасон -Ҳамадонӣ Камолов дар дақиқаи 14-ум ба он оварда расонд, ки тӯб баъди ба пои ӯ бархӯрдан вориди дарвоза гардид ва ҳисоб кушода шуд. Урош Томовичи серб, ки барои ба ҳайати дастаи «Истиқлол» шомил шудан ба Душанбе омадааст,  баъди шаш дақиқа голи дуюми истиқлолиҳоро ба тӯри дарвоза зад. Ин голи дуввуми Урош дар ҳайати дастаи «Истиқлол» аст. Ӯ дар вохӯрӣ бо дастаи мунтахаби олимпӣ низ як гол зада буд. Дар дақиқаи 25-ум ба Рустам Соиров муяссар шуд, ки ягона голи футболбозони наврасро дар ин бозӣ  аз ҷазои 11-метра ба нишон расонад.

Дар нимаи дуввум футболбозони дастаи «Истиқлол» ҳисобро боз ҳам афзуданд. Аввал  Аҳтам Назаров аз зарбаи пеналтӣ (53) ва баъдан Комрон Турсунов (60 ва 87) бо ду голи задааш ҳисобро ба 5 бар 1 расонд ва бозӣ бо ҳамин натиҷа ба анҷом расид.

Камбудиҳо дар бозии наврасон хеле зиёд ба мушоҳида  расиданд. Бозии аҳлонае, ки онҳо дар Чемпионати Осиё нишон дода буданд, ба чашм нарасид. Баръакс, футболбозони нави дастаи «Истиқлол» дар майдон худро хуб нишон доданд.

Муҳимияти ин вохӯрӣ барои сармураббиёни дастаҳои  мунтахаби наврасони Тоҷикистон Зайниддин Раҳимов ва «Истиқлол» Ҳаким Фузайлов аз он иборат буд, ки онҳо имкон ёфтанд барои хеш пеш аз вохӯриҳои байналмилалии “Ҷоми Истеъдод-2019” ва бозиҳои интихобии Лигаи чемпионҳои Осиё бо дастаи АГМК-и Ӯзбекистон шогирдонашро аз назар гузаронанд ва  ҳайати асосиро интихоб намояд.

Имрӯз дар ҳайати дастаи «Истиқлол»-и Душанбе бозингарони зиёде  аз дуру наздик ҷамъ омадаанд  ва аз назорати мураббиён мегузаранд.

Дастаи мунтахаби наврасони то 17-солаи Тоҷикистон пагоҳ ба шаҳри Мински ҷумҳурии Беларус сафар мекунад.

Январь 17, 2019 15:00

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад