ТОҶИКИСТОН БА РӮЙХАТИ КИШВАРҲОИ АМНТАРИНИ САЙЁРА ШОМИЛ ШУД! Раддабандиро маҷаллаи байналмилалии молиявии англисзабон «Global Finance» таҳия намудааст
ДУШАНБЕ, 31.01.2019. /АМИТ «Ховар»/. Тоҷикистон ба рӯйхати кишварҳои амнтарини сайёра шомил шуд. Раддабандиро маҷаллаи байналмилалии молиявии англисзабон «Global Finance» таҳия намудааст, хабар медиҳад мухбири АМИТ «Ховар» Саид АЛӢ.
Нишондиҳандаҳои асосӣ барои таҳияи раддабандӣ эҳтимоли пайдо шудани низоъҳои ҳарбӣ, сатҳи таҳдидҳо ба амнияти шаҳрвандон, сатҳи рушди иқтисодӣ, ҳамчунин эҳтимоли рух додани офатҳои табиӣ интихоб шудаанд.
Дар рӯйхае, ки дар сомонаи журнал нашр гардидааст, ҳамагӣ 28 кишвар ҷой дода шудаанд. Ҷумҳурии Тоҷикистон бо индекси 10,48 дар ин рӯйхат дар ҷойи 68-ум қарор дорад.
Аз Тоҷикистон поёнтар Озарбойҷон (ҷойи 71), Эрон (77), Чин (81), Бразилия (84), Қирғизистон (89), Исроил (92), Ҳиндустон (106), Туркия (107) қарор гирифтаанд.
Россия ва Украина дар ин раддабандӣ қариб дар мавқеҳои охир-мутаносибан дар ҷойҳои 108-ум ва 116-ум қарор гирифтаанд.
Кишвари амнтарини сайёра дар ин раддабандӣ Исландия муайян шуда, ҷойи аввалро ишғол мекунад. Дар зинаҳои дуюм ва сеюм Швейтсария ва Финландия ҷойгиранд.
Дар қатори ин давлатҳо мутахассисон ба даҳгонаи кишварҳои амнтарини сайёра Португалия, Австрия, Норвегия, Қатар, Сингапур ва Данияро шомил кардаанд. Ҷойҳои даҳум ва ёздаҳуми раддабандиро Зеландияи Нав ва Канада миёни ҳам тақсим намудаанд: индекси амнияти ин кишварҳоро мутахассисон 7,42 ҳисобидаанд.
Дар охири рӯйхат, чун қоида, кишварҳое, ки аз рӯи ҳар сеи омилҳо зери хавф қарор доранд, ҷойгиранд. Инҳо дар бисёр ҳолатҳо кишварҳои рушдёбанда буда, дар минтақаҳое, ки эҳтимоли баланди рух додани офатҳои табиӣ мавҷуд аст, ҷойгиранд, шарҳ медиҳанд коршиносон. Барои мисол, ба чунин категорияи кишварҳо Гватемала, Салвадор ва Бангладеш шомиланд, ки дар онҳо заминҷунбӣ бисёр рух медиҳад. Рушди ноустувори иқтисодӣ дар ин давлатҳо низ марбут ба кам таъмин шудани амнияти шахсии шаҳрвандон аст.
«Global Finance» Филиппинро кишвари ноамнтарини сайёра эътироф кардааст. Он нисбат ба сулҳ, амният ва паҳншавии офатҳои табиӣ нишондодҳои паст дорад,-иброз медоранд коршиносон. Яман дар ин рӯйхат аз охир ҷойи думро ишғол мекунад. Чунин арзёбии амнияти онро коршиносон ба ҷанг ва гуруснагӣ марбут дониста, хавфи офатҳои табииро камтар медонанд. Аз ин рӯ, Филиппин дар ин раддабандӣ нисбат ба Яман, ки майдони ҷанг аст, дар ҷойи поёнтар мебошад.
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
