Усмоналӣ Усмонзода: «Соли 2018 Тоҷикистон 2 миллиарду 406 миллион кВт. соат неруи барқ содирот намуд»
ДУШАНБЕ, 28.01.2018. /АМИТ «Ховар»/. Соли 2018 ҳаҷми умумии содироти неруи барқ аз Ҷумҳурии Тоҷикистон ба дигар мамлакатҳо 2 миллиарду 406 миллион кВт. соатро ташкил дод. Ин нуктаро Вазири энергетика ва захираҳои оби Ҷумҳурии Тоҷикистон Усмоналӣ Усмонзода имрӯз, 28 январ дар зимни нишасти матбуотии ин ниҳод баён дошт.
«Аз ин миқдор 926 миллион кВт. соат ба Ҷумҳурии Исломии Афғонистон ва 1 миллиарду 480 миллион кВт. соат ба Ҷумҳурии Ӯзбекистон рост меояд», — гуфт номбурда.
Ба гуфтаи мавсуф, ин нишондиҳанда нисбат ба соли 2017 1 миллиарду 138 миллион кВт зиёд ва суръати афзоиш 1,9 маротиба бештар мебошад
Бояд гуфт, ки бо ташаббус ва сиёсати созандаи роҳбарони ду кишвари ба ҳам дӯст даҳаи аввали моҳи апрели соли 2018 хати интиқоли барқ аз зеристгоҳи Регар (Тоҷикистон) ба зеристгоҳи Гулча (Ӯзбекистон) пайваст карда шуда, бо ҳамин интиқоли барқ аз Тоҷикистон ба Ӯзбекистон оғоз ёфт.
Мавриди зикр аст, ки тибқи дурнамои Стратегияи миллии рушди Ҷумҳурии Тоҷикистон барои то соли 2030 Тоҷикистон тасмим гирифтааст иқтидори энергетикии худро ба 10 ҳазор мегаватт баробар намояд. Ба иттилои Вазорати энергетика ва зихираҳои оби Ҷумҳурии Тоҷикистон, айни замон бо ба кор даровардани агрегати нахустини Неругоҳи барқи обии «Роғун» ин нишондиҳанда тақрибан ба 6 ҳазор мегаватт расидааст.
Ёдовар мешавем, ки ҳоло иқтидори энергетикии Тоҷикистон хеле назаррас буда, дар як сол қариб 17 миллиард киловатт-соатро ташкил медиҳад. Яъне пас аз татбиқ гардидани лоиҳаи минтақавии интиқоли барқи «КАСА-1000» имкон пайдо мешавад, ки содироти барқ то ба 5-6 миллиард киловатт-соат расонида шавад.
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
