Ба Бадахшон барои таъмиру тармими роҳҳои мошингард 9 адад техникаи роҳсозӣ интиқол дода шуд
ДУШАНБЕ, 01.03.2019 /АМИТ «Ховар»/. Бо мақсади таъмиру тармими роҳҳои мошингарди ҳудуди Вилояти Мухтори Кӯҳистони Бадахшон дар доираи амалисозии Cозишномаи байни Ҳукумати Ҷумҳурии Тоҷикистон ва Бонки аврупоии таҷдид ва рушд дар марҳилаи дуввум аз Ҷумҳурии Мардумии Чин ба ВМКБ 9 адад техникаи роҳсозӣ интиқол дода шуд.
Тавре аз Мақомоти иҷроияи ҳокимияти давлатии ВМКБ ба хабарнигори АМИТ «Ховар» иттилоъ доданд, техникаи роҳсозӣ тариқи дидбонгоҳи Қулма ба Тоҷикистон оварда шуд. Дар марҳилаи аввал аз Ҷумҳурии Мардумии Чин 23 техникаи пуриқтидори роҳнигоҳдорӣ ба қаламрави вилоят ворид карда мешавад.
Дар маросими қабули техникаҳои роҳсозӣ муовини Раиси вилоят Умедҷон Носирзода ва муовини сардори Раёсати сохтмон ва хоҷагии роҳнигаҳдории Вазорати нақлиёти Ҷумҳурии Тоҷикистон Эганбердӣ Хуҷаев ширкат доштанд.
Зикр гардид, ки дар ҳолати кушода ва ба талабот ҷавобгӯ нигоҳ доштани роҳҳои дорои аҳамияти байналмилаливу ҷумҳуриявӣ дар тамоми фасли сол муҳимтарин вазифаи роҳсозон ба ҳисоб меравад. Мавҷудияти чунин техникаи пуриқтидор имкон медиҳад, ки роҳҳои байналмилалиливу ҷумҳуриявии ВМКБ дар ҳолати хуб нигоҳ дошта шаванд.
Мавриди зикр аст, ки бо дастгирии Ҳукумати Ҷумҳурии Тоҷикистон ҷиҳати таъмини паркҳои технологии муассисаҳои роҳнигаҳдории ВМКБ ва навоҳии минтақаи Рашт 81 адад техника ва механизми роҳсозӣ бо харҷи беш аз 5 миллион доллар харидорӣ гардиданд.
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
