Бахшида ба 100-солагии ДДУК Фестивали байналмилалии филмҳои кӯтоҳмуддати донишҷӯён доир шуд
ДУШАНБЕ, 13.03.2019 /АМИТ «Ховар»/. 12 март дар толори Донишкадаи фарҳанг ва санъати Тоҷикистон ба номи Мирзо Турсунзода бахшида ба ҷашни 100-солагии Донишкадаи давлатии умумироссиягии кинематография ба номи С. А. Герасимов нахустин Фестивали байналмилалии филмҳои кӯтоҳмуддати донишҷӯён таҳти унвони «Қатра» баргузор гардид.
Дар фестивали мазкур ректори Донишкадаи фарҳанг ва санъати Тоҷикистон Хайриддин Идиев, ректори Донишкадаи давлатии умумироссиягии кинематография ба номи С. А. Герасимов Владимир Малишев, ҳунармандон ва устодону донишҷӯён иштирок намуданд.
Тавре Хайриддин Идиев иброз намуд, «нақши Донишкадаи давлатии умумироссиягии кинематография дар рушди санъати кинои тоҷик хеле бузург аст. Бояд гуфт, ки асарҳои офаридаи хатмкардагони ин донишкада дар сатҳи ҷаҳонӣ эътироф гардида, бо шоҳҷоизаҳо қадрдонӣ шудаанд. Дастпарварони ин муассисаи таҳсилоти олии касбӣ поягузорони мактаби кинематографистӣ дар Тоҷикистон маҳсуб меёбанд».
Ҳамчунин зикр шуд, ки дастпарвари дигари ДДУК Борис Кимёгаров яке аз коргардонҳои маъруфи кишвар ба шумор рафта, дар эҳёи дубораи «Тоҷикфилм» саҳми назаррас гузоштааст. Филмҳои беҳтарини ӯ «Қисмати шоир», «Ҳасани аробакаш», «Дохунда», «Рустам ва Сӯҳроб», «Достони Сиёвуш» шуҳрати беандоза касб намуда, обрӯю нуфузи Тоҷикистонро дар ҷаҳон баланд бардоштанд.
Зимни фестивал филмҳои кӯтоҳметражи донишҷӯён ба намоиш гузошта шуданд.
Ёдовар мешавем, ки бегоҳи дирӯз дар Донишкадаи фарҳанг ва санъати Тоҷикистон консерти муштараки донишҷӯён таҳти унвони «Дӯстӣ» баргузор гардид.
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
