Ширкати «Тоҷик Эйр» парвозҳоро ба самтҳои гуногун аз нав барқарор менамояд
ДУШАНБЕ, 12.03.2019./АМИТ «Ховар»/. Ширкати миллии ҳавопаймоии Тоҷикистон — Ҷамъияти саҳҳомии кушодаи «Тоҷик Эйр» парвозҳои худро сар аз 31-уми марти соли равон дигарбора барқарор менамояд. Дар ин бора ба хабарнигори АМИТ «Ховар» Директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода хабар дод.
Икром Субҳонзода ҳамчунин изҳор намуд, ки тамоми санадҳои меъёрию ҳуқуқии танзимшаванда ва иҷозатдиҳандаи ширкати ҳавопаймоии «Тоҷик Эйр» аз ҷониби Агентии авиатсияи гражданӣ дастрас карда шудааст. Пас аз мувофиқа бо дигар сохторҳои марбута парвози ҳавопаймоҳои ширкати ҳавопаймоии «Тоҷик Эйр» дар самти Душанбе –Москва барқарор карда мешаванд.
И. Субҳонзода, директори Агентии
авиатсияи граждании назди Ҳукумати ҶТ
Икром Субҳонзода афзуд, ки парвози ҳавопаймоҳои ширкати «Тоҷик Эйр» ба самти Душанбе- Москва аз 3 январи соли равон бинобар вазъи молиявии ширкати «Тоҷик Эйр» муваққатан қатъ гардид. Тайи ин муддат мусофирони ширкати ҳавопаймоии «Тоҷик Эйр»-ро ба самти шаҳрҳои Федератсияи Россия, аз ҷумла Москва ҳавопаймоҳои ширкати «Сомон Эйр» интиқол медоданд.
Тавре хабарнигори АМИТ «Ховар» бо истинод бо «Тоҷик Эйр» хабар медиҳад, 11 март дар тамоми нуқтаҳои чиптафурӯшии кишвар фурӯши чиптаҳои ширкат дар хатсайри Душанбе-Москва ва Москва-Душанбе оғоз гардид. Парвози нахустин дар ин самт рӯзи 31-уми марти соли равон дар назар дошта шудааст.
Пас аз анҷоми расмиёти муайян моҳи апрели соли равон давра ба давра парвозҳои ширкати ҳавопаймоии «Тоҷик Эйр» дар дигар хатсайрҳо низ барқарор карда мешаванд.
Қабл аз ин ширкати ҳавопаймоии «Тоҷик Эйр» дар хатсайрҳои Душанбе-Деҳлӣ-Душанбе, Душанбе-Урумчӣ-Душанбе, Душанбе-Теҳрон-Душанбе, Душанбе-Алма-ато-Душанбе, Душанбе-Бишкек-Душанбе, Душанбе-Самарқанд-Душанбе, Душанбе-Маскав-Душанбе, Душанбе-Санкт-Петербург-Душанбе, Душанбе-Екатеринбург-Душанбе, Душанбе-Сургут-Душанбе, Душанбе-Нижневартовск-Душанбе, Душанбе-Новосибирск-Душанбе, Душанбе-Хуҷанд-Душанбе ва Душанбе-Хоруғ-Душанбе парвозҳои мунтазамро иҷро менамуд.
Ёдовар мешавем, ки парки ҳавопаймоии ҶСК «Тоҷик Эйр» аз тайёраҳо ва чархболҳои Boeing 737-300, Boeing 757-200, Boeing 767-300, Bombardier CRJ–200, Ан-28 ва Ми-8 МТВ иборат мебошад.
НИШАСТИ МАТБУОТӢ. Дар ноҳияи Сангвор нақшаи андозҳо бо назардошти андози иҷтимоӣ 101 фоиз иҷро гардид
НИШАСТИ МАТБУОТӢ. Дар судҳои иқтисодии Тоҷикистон беш аз 1600 парванда баррасӣ гардид
СОЛҲОИ РУШДИ САНОАТ. Дар Тоҷикистон 251 корхонаи саноатӣ бо беш аз 1700 ҷойи кор ба истифода дода шуд
ЯҒНОБ-НИШОНЕ АЗ СУҒДИЁНИ ҚАДИМ. Ин водии афсонавии Тоҷикистон дорои зарфияти хоси табиӣ, фарҳангӣ ва сайёҳӣ аст
Вазорати нақлиёти Тоҷикистон бо ширкати итолиёвии FRED Engineering S.R.L созишнома ба имзо расонид
БАЛАНДШАВИИ ҲАРОРАТИ ҲАВО. Он ба маҳсулоти кишоварзӣ чӣ таъсир мерасонад?
Дар Душанбе оид ба лоиҳакашии бунёди роҳи оҳани «Ҷалолиддини Балхӣ – Панҷи Поён» протокол ба имзо расид
Намояндагони баландпояи соҳаи авиатсияи граждании Чин бо фаъолияти корхонаи «Тоҷикаэронавигатсия» шинос шуданд
Дар Теҳрон дурнамои ҳамкорӣ дар соҳаи энергетика байни Тоҷикистон ва Эрон баррасӣ гардид
НИШАСТИ МАТБУОТӢ. Ба маблағи 3 миллион сомонӣ қонунвайронкунии зиддиинҳисорӣ ошкор гардид
Ҳамкории тиҷоратию иқтисодии Тоҷикистон ва Узбекистон тақвият меёбад
Хуршед Файзуллозода: «Ҳадафи Агентии инноватсия ва технологияҳои рақамӣ вусъат бахшидани раванди амалӣ намудани «ҳукумати электронӣ» аст»
