ВМКБ: Раёсати «Тоҷикстандарт» дар ду моҳ 320 нафар соҳибкорро ба маблағи 73 ҳазор сомонӣ ҷарима баст
ХОРУҒ, 15.03.2019 /АМИТ «Ховар»/. Раёсати стандартизатсия, метрология, сертификатсия ва нозироти савдои Вилояти Мухтори Кӯҳистони Бадахшон давоми ду моҳ 1461 кг маҳсулоти хӯрокворӣ ва 2 ҳазор шиша нӯшокиҳои спиртии ғайристандартиро аз муомилот берун намуда, 320 нафар соҳибкори инфиродиро ба маблағи беш аз 73 ҳазор сомонӣ ҷарима баст.
Мудири озмоишгоҳи маҳсулоти хӯроквории раёсати мазкур Ҷамила Маликова гуфт, ки дар рӯзҳои иди Наврӯз талабот ба маҳсулоти хӯрокворӣ бамаротиб афзоиш меёбад. Баъзе аз фурӯшандагон бо истифода аз ин фурсат маҳсулоти муҳлаташ гузаштаро ба харидорон пешкаш мекунанд. Дар ҳоле ки Қонуни Чумхури Тоҷикистон «Дар бораи ҳимояи ҳуқуқи истеъмолкунандагон» ба ҳар як харидор ҳуқуқ додааст, ки дар бораи сифат, бехатарӣ, муҳлат ва дигар нуқсонҳои молу маҳсулот маълумот талаб кунанд, аммо на ҳамаи харидорон аз ин ҳуқуқи худ истифода мебаранд. Бинобар ин раёсати «Тоҷикстандарт» бо мақсади роҳ надодан ба воридшавии маҳсулоти пастсифат ба дастурхони наврӯзии сокинони вилоят дар фурӯшгоҳҳо санҷиши навбатӣ ба роҳ монд.
Кормандони Раёсати «Тоҷикстандарт» зимни санҷиш ҳамчунин аз фурӯшандагону харидорон даъват намуданд, ки дар иҷрои вазифаву уҳдадориҳои худ масъулияти бештар эҳсос намоянд.
Ёдовар мешавем, ки ҳамасола 15 март Рӯзи байналмилалии ҳимояи ҳуқуқи истеъмолкунандагон таҷлил карда мешавад. Таҷлили Рӯзи байналмилалии ҳимояи ҳуқуқи истеъмолкунандагон нишони он аст, ки дар шинохт ва ҳимояи ҳуқуқи инсон дар ҷаҳон қадамҳои боэътимод гузошта мешаванд. Дар Тоҷикистон ин масъала зери назорати қатъии Ҳукумати мамлакат қарор дорад.
Ҳаҷми сармояи «Амонатбонк» афзуда, 1 миллиард сомониро ташкил медиҳад
Дар Тоҷикистон беш аз 19 ҳазор тонна гӯшти паранда истеҳсол гардидааст
Дар ноҳияи Ҷалолиддини Балхӣ пахтачинӣ оғоз ёфт
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
