Беш аз 2 тонна гӯшти мурғи воридотии ғайристандартӣ ба «Боғи ҳайвонот»-и пойтахт интиқол ёфт
ДУШАНБЕ, 19.04.2019/АМИТ «Ховар»/. 2 ҳазору 343 кг гӯшти мурғи воридотие, ки зимни санҷиши мутахассисони Агентии «Тоҷикстандарт» аз лиҳози сифат ва бехатарӣ ба талабот ҷавобгӯ ҳисобида нашуд, ба сифати хӯроки ҳайвонот ба «Боғи ҳайвонот»-и шаҳри Душанбе интиқол дода шуд.
Аз Агентии «Тоҷикстандарт» ба АМИТ «Ховар» иттилоъ доданд, ки мутахассисони «Тоҷикстандарт» зимни гузаронидани корҳои сертификаткунонии маҳсулоти гӯшти мурғи бутуни истеҳсоли Туркия, ки миқдори умумиаш 21 тоннаю 108 кг–ро ташкил медод, муайян намуданд, ки он аз рӯи санаи истеҳсол ба панҷ гурӯҳ раддабандӣ гардидааст. Аз ин миқдор 2 ҳазору 343 кг гӯшти мурғ аз рӯи нишондоди сифат ва бехатарӣ ба талаботи Регламенти техникии Ҷумҳурии Тоҷикистон «Бехатарии маҳсулоти хӯрокворӣ» мутобиқат накард ва ба «Боғи ҳайвонот»-и Душанбе пешниҳод карда шуд.
Тибқи хабари манбаъ, 21 тоннаю 108 кг гӯшти мурғи бутун аз ҷониби соҳибкори ватанӣ аз Туркия ворид карда шудааст.
Мусаллам аст, ки аз ҷониби кормандону мутахассисони «Тоҷикстандарт» дар ҳамкорӣ бо дигар мақомоти марбута дар самти ҳимояи бозори истеъмолӣ аз воридоти маҳсулоти пастсифату ба саломатӣ хатарнок мунтазам тадбирҳои амалӣ андешида мешаванд. Дар ин росто, мақомоти «Тоҷикстандарт» аз соҳибкорону воридкунандагони маҳсулоти ғизоӣ хоҳиш менамояд, ки дар самти ворид намудани молу маҳсулот ба қаламрави мамлакат манфиатҳои миллиро аз манфиатҳои шахсӣ боло гузоранд.
Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
