Дар Душанбе Фестивали V филмҳои кореягӣ ифтитоҳ гардид
ДУШАНБЕ, 30.04.2019. /АМИТ «Ховар»/. Шоми дирӯз, 29 апрели соли 2019 дар хонаи кинои «Кохи Наврӯз» Фестивали филмҳои кореягӣ – 2019 ботантана ифтитоҳ ёфт.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, Кордори Сафорати Ҷумҳурии Корея дар Ҷумҳурии Тоҷикистон Лю Вучол аҳли толорро бо ифтитоҳи фестивал хайрамақдам гуфта, иброз дошт, ки Фестивали филмҳои кореягӣ дар доираи «Ҳафтаи Корея-2019», ки 26 апрел оғоз ёфта, то 4 май идома меёбад, гузаронида мешавад.
Мавсуф иброз дошт, ки фестивали мазкур ба мухлисони кинои кореягӣ панҷ филмро дар жанрҳои мухталиф, ба мисли драма, мазҳака, филми таърихӣ, ҷангӣ ва филм оид ба варзиш пешниҳод менамояд.
Сардори шуъбаи робитаҳои байналмилалии Вазорати фарҳанги Ҷумҳурии Тоҷикистон Абдуғаффор Абдуҷабборов оид ба робитаҳои дӯстонаи Тоҷикистон ва Корея, рушди санъати синамо дар Корея ва дастовардҳои он ҳарф зада, иброз намуд, ки Фестивали мазкур ба таҳкими робитаҳои фарҳангии ду кишвар такони тоза хоҳад бахшид.
4 май дар Маркази Исмоилияи шаҳри Душанбе «Рӯзи Корея» баргузор мегардад. Дар доираи он ташкили намоиши либос, хӯрок, санъати аккосӣ ва каллиграфияи кореягӣ, инчунин барномаи консертии санъаткорони ин кишвар дар назар аст.
Чеварони хушсалиқаи шаҳри Кӯлоб барои Осорхонаи миллӣ калонтарин гулдӯзии мунаққашро омода намуданд
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
НАВРӮЗ — ҶАШНИ СУЛҲУ НАКУКОРӢ. Суратгузориши АМИТ «Ховар» аз иқдоми наврӯзӣ дар «Боғи ба номи Алишери Навоӣ»
Дар Бишкек Бозиҳои Делфии ҷавонони давлатҳои аъзои Созмони ҳамкории Шанхай доир мегардад
Дар Хонаи китоби Тоҷикистон кафедраи китобхонашиносӣ ва библиографишиносӣ ифтитоҳ гардид
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар ноҳияи Данғара «Шаҳраки наврӯзӣ» ташкил карда шуд
Дар замони соҳибистиқлолии Тоҷикистон майдони фаъолияти матбуоти шаҳри Турсунзода фарох гардид
Дар Хатлон Рӯзи матбуоти тоҷик бо қадрдонии рӯзноманигорон ва адибон таҷлил гардид
Дар Душанбе ба муносибати Рӯзи матбуоти тоҷик ҳамоиши тантанавӣ доир шуд
ВОСИТАҲОИ АХБОРИ ОММА ВА МАСЪАЛАҲОИ ХУДШИНОСИИ МИЛЛӢ. Бахшида ба Рӯзи матбуоти тоҷик ҳамоиш доир шуд
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
