Дар Хатлон даври аввали озмуни ҷумҳуриявии «Тоҷикистон – Ватани азизи ман» ҷамъбаст гардид

Апрель 30, 2019 13:21

ДУШАНБЕ, 30.04.2019 /АМИТ «Ховар»/. Дар Театри мусиқӣ – мазҳакавии ба номи Ато Муҳаммадҷонови вилояти Хатлон даври аввали озмуни ҷумҳуриявии «Тоҷикистон – Ватани азизи ман» ҷамъбаст гардида, 29 нафар иштирокчии фаъоли он  ба даври дуюм роҳхат гирифтанд. Дар ин бора Мақомоти иҷроияи ҳокимияти давлатии вилояти Хатлон хабар медиҳад.

Бино ба иттилои манбаъ, озмуни ҷумҳуриявии «Тоҷикистон – Ватани азизи ман» бо мақсади истиқболи сазовори ҷашни 30 – солагии Истиқлолияти давлатии Ҷумҳурии Тоҷикистон, дарёфти истеъдодҳои нави соҳаи санъат, тақвият бахшидан ба касбияти баланди ҳунари иҷрокунандагӣ ва эҷоди мусиқии нав, пайдо намудани беҳтарин намунаи оҳанг ва сурудҳои тараннумгари дастовардҳои замони Истиқлолияти давлатӣ баргузор мегардад.      Озмун дар се давр аз рӯйи номинатсияҳои оҳангсоз, сароянда, навозанда, шоир ва ровӣ доир мешавад.

Дар даври аввали озмун санъаткорону ҳаваскорони шаҳри Бохтар ҳунару истеъдоди хешро аз рӯйи бахшҳои мазкур нишон дода, Хурсандмуроди Фақир, Зеваршо Ғозиев, Саиднуриддин Исмоилзода, Амина Гулова дар бахши шоир, Отахон Абдуллозода, Марҳабо Муродова, Афсонаи Умар, Ифтихор Пайков, Марҳабо Рамазонзода, Давлатбӣ Юнусова ва дигарон дар бахши ровӣ, Ҳайитбой Юнусов, Абдуалим Маҳмадов дар бахши оҳангсозӣ, Маҳмадшариф Муродов, Фирӯз Муродов, Хурав Шукуров, Аниса Сабзаева, Азиз Гулов, Султон Хадзиев, Давлатбӣ Азизова, Бахтиёр Ҷураев ва дигарон дар бахшҳои навозиш ва сарояндагӣ ғолибони даври аввал гардиданд.

Ёдовар мешавем, ки тибқи Низомнома даври дуюми озмун моҳҳои июн -июл дар маркази вилояти Хатлон ва даври сеюми он моҳи ноябри соли 2019 дар шаҳри Душанбе ҷамъбаст шуда, ғолибон бо ҷоиза ва Диплом сарфароз гардонида мешаванд.

Апрель 30, 2019 13:21

Хабарҳои дигари ин бахш

Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд