Дар мусобиқаи байналмилалӣ аз рӯи намуди «Гӯштини юнону румӣ» дастаи мунтахаби Тоҷикистон сазовори ҷойи аввал гардид

Апрель 26, 2019 14:57

ДУШАНБЕ, 26.04.2019 /АМИТ «Ховар»/. 24-25-уми апрели соли  равон  дар толори варзишии Муассисаи давлатии «Маркази омодагии олимпии тимҳои мунтахаби Ҷумҳурии Тоҷикистон»-и шаҳри Душанбе мусобиқаи байналмилалӣ аз рӯи намуди «Гӯштини юнону румӣ»  баргузор гардид. Мусобиқаи мазкур бо ибтикори  Шӯрои ҷумҳуриявии «Динамо»-и Вазорати корҳои дохилӣ роҳандозӣ гардида, дар он  варзишгарони навраси кишварҳои аъзои Шӯрои байналмилалии ҳамоҳангсозии ҷамъиятҳои «Динамо» таҳти шиори «Варзиш – рамзи дӯстии халқу миллатҳо!»  қувваозмоӣ намуданд.

Тавре аз Вазорати корҳои дохилии ҷумҳурӣ  ба мухбири АМИТ «Ховар» хабар доданд, мусобиқаи мазкур ба 74-умин солгарди Рӯзи Ғалаба дар Ҷанги дуюми ҷаҳон бахшида шуда, дар он варзишгарони наврасу ҷавони солҳои таваллуди 2001-2003 аз кишварҳои ҳамсояи Қирғизистон, Ӯзбекистон, Қазоқистон, инчунин минтақаҳои гуногуни Ҷумҳурии Тоҷикистон, аз ҷумла,  вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ фаъолона ширкат варзиданд.

Мусобиқа тибқи талаботи қоидаҳои байналмилалии гӯштини тарзи юнону румӣ гузаронида шуда, варзишгарони наврасу ҷавон дар 10 вазн барои ба даст овардани ғолибият бо ҳам қувваозмоӣ намуданд.

Дар маросими тантанавии кушодашавии ин мусобиқаи байналмилалӣ  муовини Вазири корҳои дохилии Ҷумҳурии Икром Умарзода, сардори Раёсати инкишофи варзиш ва тарбияи ҷисмонии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Носир Бозоров, муовини аввали раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода ва дигар шахсони расмӣ иштирок  намуданд.

Ба иттилои манбаъ, чунин мусобиқаи сатҳи байналмилалӣ  миёни дастаҳои кишварҳои аъзои Шӯрои байналмилалии ҳамоҳангсозии ҷамъиятҳои «Динамо» соли ҳафтум аст, ки дар шаҳри Душанбе баргузор мегардад ва он ҳамасола мухлисону ҳавасмандони зиёдро ба худ ҷалб месозад.

Дар натиҷаи умумии мақомҳои ишғолнамудаи варзишгарон, дастаи мунтахаби Ҷумҳурии Тоҷикистон сазовори ҷойи аввал, дастаи Ҷумҳурии Қазоқистон ҷойи дуюм ва дастаи варзишгарони Ҷумҳурии Ӯзбекистон ҷойи сеюми мусобиқаро ишғол намуданд.

Ғолибони мусобиқаи байналмилалӣ аз ҷониби роҳбарияти Вазорати корҳои дохилӣ бо медалҳо, ифтихорнома ва туҳфаҳои арзишнок мукофотонида шуданд.

Апрель 26, 2019 14:57

Хабарҳои дигари ин бахш

35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»