Футбол: дастаи мунтахаби то 16-солаи Тоҷикистон бар дастаи Уммон ғалаба кард

ДУШАНБЕ, 23.04.2018. /АМИТ «Ховар»/.  Дастаи  мунтахаби наврасони то 16-солаи Тоҷикистон шоми дирӯз дар Варзишгоҳи марказии ҷумҳуриявии шаҳри Душанбе  дар як вохӯрии дӯстона бар дастаи мунтахаби наврасони Уммон бо натиҷаи 2:0 ғалаба кард. Тӯбҳоро дар ин бозӣ Абдулфаттоҳи Худойдодзода (38) ва Меҳрубони Абдурауф (90) ба нишон расониданд.

Баъди вохӯрӣ беҳтарин бозингрони дастаҳо-Сафарманд Ғаффоров –дарвозабони дастаи мунтахаби Тоҷикистон ва Алмуътасим Ғаним Умар Ассамин Амарҷид-аз дастаи мунтахаби Уммон бо туҳфаҳо сарфароз гардонида шуданд.

Бозии дуюми дастаҳои мунтахаби наврасони то 16-солаи Тоҷикистон ва Уммон  дар Варзишгоҳи марказии ҷумҳуриявии шаҳри Душанбе 25 апрел, соати 18:00 барпо мегардад.

Мақсад аз гузаронидани бозиҳои дӯстона ва таҷрибавӣ бо дастаи мунтахаби Уммон омодагии пурра ба бозиҳои интихобии Чемпионати Осиё -2020 ба ҳисоб меравад.