Каратэчиёни ҷавони тоҷик дар Чемпионати Осиё сазовори 2 медали биринҷӣ гардиданд
ДУШАНБЕ, 29.04.2019. /АМИТ «Ховар»/. Варзишгарони ҷавони тоҷик дар Чемпионати Осиё оид ба каратэ сазовори ду медали биринҷӣ шуданд. Дар ин бора корманди Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» хабар дод.
Тибқи иттилои манбаъ, Чемпионати Осиё оид ба каратэ (WKF) миёни наврасон, ҷавонон ва ҷавонони то 21-сола аз 26 то 28 апрел дар шаҳри Кота Канабалуи Малайзия доир гашт. Дар чемпионат 409 нафар варзишгарон (120 нафар миёни наврасон, 135 нафар миёни ҷавонон, 154 нафар миёни ҷавонони то 21-сола) аз 31 давлати қора иштирок карданд.
Хотиррасон менамоем, ки Ҷумҳурии Тоҷикистонро дар ин мусобиқа 6 нафар варзишгар: Нодирбек Қулматов, Асадбек Фаттоев, Умед Сафаров (миёни ҷавонони то 17-сола), Муҳаммад Тешаев, Ҳоҷиқурбон Маҳмадов, Абдулваҳоб Шаропов (миёни ҷавонони то -21-сола) намояндагӣ карданд.
Бояд зикр кард, ки медалҳои биринҷиро дар ҳайати дастаи мунтахаби Тоҷикистон Асадбек Фаттоев дар вазни -68кг ва Умед Сафаров дар вазни -76кг миёни ҷавонони то 17-сола ба даст оварданд. Нодирбек Қулматов дар вазни -61кг ҷои 7-умро ишғол кард.
Миёни ҷавонони то 21-сола натиҷаи беҳтарро Муҳаммад Тешаев нишон дод. Ӯ дар вазни -55кг ҷои панҷумро ишғол кард.
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад
РӮЗИ БАЙНАЛМИЛАЛИИ ТАЭКВОНДО. Ин навъи варзиши олимпӣ дар Тоҷикистон рушди бештар меёбад
ҶОМИ ОСИЁ-2026. Дастаи олимпии Тоҷикистон (U-23) дар марҳилаи интихобӣ нахустин бозӣ доир менамояд
Дар Душанбе Мусобиқаи байналмилалӣ оид ба шиноварӣ оғоз ёфт
«CAFA NATIONS CUP 2025». Дастаи мунтахаби Тоҷикистон бо дастаи Афғонистон бозӣ менамояд
Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
