Неъматулло Ҳикматуллозода бо Сафири Фавқулода ва Мухтори ИМА дар Тоҷикистон Ҷон Марк Поммерншайм мулоқот намуд

ДУШАНБЕ, 24.04.2019. /АМИТ «Ховар»/. Дирӯз Вазири  рушди иқтисод ва савдои Ҷумҳурии Тоҷикистон Неъматулло Ҳикматуллозода бо Сафири Фавқулода ва Мухтори ИМА дар Ҷумҳурии Тоҷикистон Ҷон Марк Поммерншайм  мулоқот намуд.

Тавре аз вазорати мазкур ба АМИТ «Ховар» хабар доданд, зимни  вохӯрӣ ҷонибҳо дар мавзӯи  вазъи иқтисодию иҷтимоии ҷумҳурӣ, таъмини суботи макроиқтисодӣ, раванди ислоҳоти иқтисодӣ, ҷараёни мувофиқа ва татбиқ намудани барномаҳои сатҳи минтақавӣ, тақвияти иқтидори содиротӣ, фаъолияти ширкатҳои амрикоӣ дар мамлакат, ҷалби сармоягузорӣ, ҳамчунин масъалаҳои муҳоҷирати меҳнатӣ ва шуғли аҳолӣ мубодилаи афкор намуданд.

Ба иттилои манбаъ, дар фарҷоми мулоқот  тарафҳо  ҷиҳати густариши минбаъдаи ҳамкорӣ  дар самтҳои гуногун  ҳавасмандии худро баён доштанд.