Рустами Эмомалӣ дар ноҳияи Рашт майдончаи варзишӣ бунёд мекунад

Апрель 20, 2019 11:00

ДУШАНБЕ, 20.04.2019. /АМИТ «Ховар»/. Соли равон бо дастгирии Раиси шаҳри Душанбе, Президенти Федератсияи футболи Тоҷикистон Рустами Эмомалӣ дар ноҳияи Рашт майдончаи варзишии муосир ба истифода дода мешавад. Дар ин бора аз Кумитаи ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд.

Ба иттилои манбаъ, ин иқдом бахшида ба Солҳои рушди деҳот, сайёҳӣ ва ҳунарҳои мардумӣ, инчунин бо мақсади рушди соҳаи варзиш, тарғиби тарзи ҳаёти солим ва дастгирии ҷавонони дурдасти деҳот роҳандозӣ мегардад.

Мавриди зикр аст, ки бо иқдоми варзишпарварона ва ташаббуси наҷиб дар самти рушди тарбияи ҷисмонӣ ва инкишофи варзиш Рустами Эмомалӣ чанд соли охир корҳои назаррас ба сомон расонидааст.

Ин ташаббусҳои Президенти Федератсияи футболи Тоыикистонро ба инобат гирифта, Шӯрои Конфедератсияи футболи Осиё ӯро соли 2018 ба узвияти худ пазируфт.

«Майдончаи варзишии мазкур дар доираи лоиҳаи махсуси Шӯрои олимпии Осиё бо тамоми шароити муосир сохта мешавад»,-илова намуд манбаъ.

Ёдовар мешавем, ки соли равон бо ташаббуси Президенти Федератсияи футболи Тоҷикистон Рустами Эмомалӣ на танҳо дар шаҳри Душанбе, инчунин дар маркази маъмурии Вилояти Мухтори Кӯҳистони Бадахшон  – шаҳри Хоруғ 8 майдончаи замонавӣ бунёд карда мешаванд.

Апрель 20, 2019 11:00

Хабарҳои дигари ин бахш

Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид