Сатҳи ҷинояткорӣ дар шаҳри Душанбе миёни ноболиғону ҷавонон коҳиш ёфтааст

Апрель 15, 2019 09:00

ДУШАНБЕ, 15.04.2019 /АМИТ «Ховар»/.  Давоми се моҳи сипаригардида дар ҳудуди пойтахти мамлакат-шаҳри Душанбе 1133 ҷиноят ба қайд гирифта шудаанд, ки нисбат ба соли гузашта 59 ҷиноят кам аст.

Дар ин бора зимни ҷаласаи фаврӣ-хизматӣ оид ба натиҷагирии фаъолияти семоҳаи аввали соли равон, ки таҳти роҳбарии сардори Раёсати Вазорати корҳои дохилӣ дар шаҳри Душнбе  Шариф Назарзода баргузор гардид, гуфта шуд.

Тавре аз Раёсати мазкур ба мухбири АМИТ «Ховар» хабар доданд, дар ҷаласа зикр гардид, ки дар ҳамаи самтҳои фаъолияти фаврӣ-хизматӣ милитсияи пойтахт ба натиҷаҳои назаррас ноил гардида, фоизи ошкорёбии ҷиноятҳо низ нисбат ба ҳамин давраи соли гузашта баланд гардидааст.

Бояд зикр намуд, ки пешгирии амалу кирдорҳои номатлуб ва ҷинояту ҷинояткорӣ, махсусан муноқиша ва авбошиҳои гурӯҳӣ миёни ноболиғону ҷавонон ва хонандагони муассисаҳои таълимӣ яке аз самтҳои афзалиятноки фаъолияти мақомоти милитсияи пойтахт ба ҳисоб меравад. Дар ин замина ҷиҳати пешгирии ин омили номатлуб аз ҷониби роҳбарияти милитисияи пойтахт тадбирҳои дахлдор андешида шудаанд, ки тавассути онҳо сатҳи ҷинояткорӣ миёни ин қишри ояндасози ҷомеа низ ба маротиб коҳиш ёфтааст.

Зимни баргузории машварати фаврӣ зикр гардид, ки давоми се моҳи соли сипаригардида аз ҷониби ноболиғон 42 ҷиноят ба кайд гирифта шудааст, ки нисбат ба ҳамин давраи соли гузашта 59,2 % кам ё худ 61 адад кам мебошад. Ин нишондиҳанда бевосита аз дуруст ба роҳ мондани амалиёти профилактикӣ ва суҳбату вохӯриҳои судманд ба даст омадааст.

Апрель 15, 2019 09:00

Хабарҳои дигари ин бахш

САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд