Темур Раҳимов ва Комроншоҳи Устопириён дар Чемпионати Осиё соҳиби медали нуқра шуданд
ДУШАНБЕ, 23.04.2019. /АМИТ «Ховар»/. Ду паҳлавони маъруфи тоҷик Темур Раҳимов ва Комроншоҳи Устопириён дар Чемпионати Осиё оид ба дзюдо, ки аз 20 то 23 апрел дар шаҳри Фуҷайраи Амороти Муттаҳидаи Араб баргузор гардид, сазовори медалҳои нуқра гардиданд. Тафсилоти бештари мавзӯъ аз шореҳи варзиши АМИТ «Ховар» Меҳрони Қурбон.
Дар рӯзи сеюми рақобатҳои Чемпионати Осиё оид ба дзюдо 4 варзишгари тоҷик ба майдони рақобат баромаданд. Дар вазни ҷамъи 100 кг Тоҷикистонро 2 паҳлавон – Шакармамад Мирмамадов ва Темур Раҳимов намояндагӣ карданд. Темур Раҳимов дар даври аввал озод буд. Ӯ дар даври дуюм рақиби араб — Ракан Зайдан ва дар даври сеюм ҳарифи муғулаш — Дууренбайар Улзибайарро шикаст дода, ба даври нимниҳоӣ роҳ ёфт. Темур пас аз шикаст додани рақиби қирғизи худ -Юрий Краковетский ба даври ниҳоӣ баромад. Дар финал Темур Раҳимов аз Ким Сунгмини кореягӣ мағлуб шуда, соҳиби нишони нуқраи Чемпионати Осиё гардид. Шакармамад Мирмамадов, ки барои медали биринҷӣ мубориза мебуд, аз рақиби қирғизаш шикаст хӯрд. Ҳамин тавр Темури Раҳимов, паҳлавони ҷавони шинохтаи тоҷик бори аввал соҳиби медали нуқраи Чемпионати Осиё оид ба дзюдо гардид. Дар баробари соҳиб шудани зинаи дуюм ӯ соҳиби имтиёзҳои зарурии Бозиҳои олимпии Токио-2020 низ гардид.
Паҳлавони дигари тоҷик Комроншоҳи Устопириён дар вазни то 90 кг дар даври аввал озод буд. Ӯ дар даври дуюм намояндаи Ӯзбекистон Давлат Бобонов, дар даври сеюм варзишгари чинӣ Ҳебилиге Буро мағлуб карда, ба даври нимниҳоӣ баромад. Дар рақобати нимниҳоӣ Комроншоҳ варзишгари қазоқ – Ислом Бозбоевро шикаст дода, ба финал роҳ ёфт. Дар финал ӯро рақобат бо варзишгари японӣ Косуке Машияма интизор буд. Аммо, мутаассифона, Комроншоҳ дар ин давр аз Косуке Машиямаи японӣ ноком шуда, соҳиби нишони нуқраи Чемпионати Осиё гардид.
Хотиррасон мекунем, ки солҳои 2016 ва 2017 дар Чемпионати Осиё Комроншоҳ Устопириён соҳиби медали тилло шуда буд. Ӯ ҳамзамон соли 2015 дар кишвари Кувайт ба гирифтаи ҷои дуюм мушарраф гардидааст.
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
