«ЗИМНИ МУҲОҶИРАТИ МЕҲНАТӢ ФАРЗАНДОНРО БЕНАЗОРАТ НАГУЗОРЕД». Чунин муроҷиат намуд сардори Раёсати ВКД Сафиало Азизуллозода ба волидон дар мулоқот бо сокинони ноҳияи Рашт
ДУШАНБЕ, 11.04.2019 /АМИТ «Ховар»/. Имрӯз дар деҳаи Коҷони Ҷамоати деҳоти Навдии ноҳияи Рашт вохӯрии сардори Раёсати Вазорати корҳои дохилии Ҷумҳурии Тоҷикистон дар минтақа ва ноҳияи Рашт Сафиало Азизуллозода бо мардум оид ба сабабу омилҳои шомилшавии ҷавонон ба ҳизбу ҳаракатҳои террористию экстремистӣ, таҳсилоти ғайриқонунии динӣ дар хориҷи кишвар, оқибатҳои терроризму экстремизм ва роҳҳои пешгирии он доир гардид.
Тавре аз Вазорати корҳои дохилӣ ба АМИТ «Ховар» хабар доданд, дар ҷараёни вохӯрӣ аз ҷониби сардори Раёсати мазкур С.Азизулозода ба сокинон сабабу омилҳои шомилшавии ҷавонон ба ҳизбу ҳаракатҳои террористию экстремистӣ ва роҳҳои пешгирии он тариқи слайд ва пахши видео-роликҳо фаҳмонида шуд.
Ҳамчунин зимни суҳбати озоду самимӣ бо сокинони Ҷамоати деҳоти Навдӣ таъкид гардид, ки зимни муҳоҷирати меҳнатӣ фарзандонашонро беназорат нагузоранд ва пайваста бо онҳо дар тамос бошанд.
Дар идомаи вохӯрӣ бо мардум ва имомхатибони масҷидҳо даъват ба амал оварда шуд, ки дар таълиму тарбияи фарзандон бетараф набошанд ва онҳоро ба роҳи рост ҳидоят намоянд.
Ҳамчунин дар мулоқот бо ташаббуси роҳбарияти Раёсати ВКД дар минтақа ва ноҳияи Рашт ҷавонони гурӯҳи «Авангард» барои болидарӯҳии сокинони ин ҷамоат барномаи рангини консертӣ манзур намуданд.
Дар шаҳри Кӯлоб оид ба пешгирии омилҳои хурофотӣ ва тафаккури ифротӣ вохӯрӣ доир шуд
Ҷаласаи 10-уми вазирони давлатҳои аъзои СҲИ оид ба коҳиши хатари офатҳои табиӣ доир шуд
Агар бо ҳолати фавқулода рӯ ба рӯ гардем, бояд ба куҷо муроҷиат намоем?
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
