БМТ мутахассисони ояндаро ҳавасманд мегардонад
ДУШАНБЕ, 31.05.2019/АМИТ «Ховар»/. Дар Бонки миллии Тоҷикистон марҳилаи ниҳоии озмун, ки миёни хонандагони синфҳои 9-11 мактаби таҳсилоти умумии № 20-и шаҳри Душанбе ва мактаби таҳсилоти умумии № 36-и ноҳияи Рӯдакӣ, ки дар оянда мақсади кор дар соҳаи иқтисод ва молияро доранд, гузаронида шуда буд, ҷамъбаст гардид.
Иштирокдорони озмун 11 лоиҳаи тиҷоратӣ таҳия ва манзури ҳайати ҳакамон гардониданд.
Баъди рӯнамоӣ ва муаррифии лоиҳаҳо мақоми якум, дуюм ва сеюм насиби Олия Раҳматова, Рустам Зарипов ва Меҳрдод Ҳусейнзода барои лоиҳаҳои «Таҳсилоти фосилавӣ», «Заводи шакар» ва «Мехи печдор ва гайка» гардида, ғоибон бо 3 000, 2000 ва 1000 сомонӣ мукофотонида шуданд.
Дар ин хусус ба АМИТ «Ховар» аз Бонки миллии Тоҷикистон итилоъ доданд.
Ба иттилои манбаъ, озмуни мазкур бо мақсади баланд бардоштани маърифати молиявии аҳолӣ, махсусан рушди лаёқати соҳибкорӣ дар ниҳоди насли наврас, дар доираи амалигардонии лоиҳаи муштараки БМТ ва Фонди хазинаи амонатҳо оид ба ҳамкории байналмилалии Олмон дар ҳамкорӣ бо Вазорати маориф ва илми Ҷумҳурии Тоҷикистон ташкил ва гузаронида шуд.
Дар маросими ҷамбастии озмун муовини Раиси БМТ Лола Салимова, Раиси БДА Ҷумҳурии Тоҷикистон «Амонатбонк» Сироҷиддин Икромӣ, намояндагони Вазорати маориф ва илми ҷумҳурӣ ва Фонди хазинаи амонатҳо оид ба ҳамкории байналмилалии Олмон иштирок намуда, доир намудани чунин машғулиятҳоро муҳим ва судманд арзёбӣ намуданд.
Дар доираи озмун, барои иштирокчиён маҳфили тахассусӣ созмон дода шуда, толибилмони мактабҳои таҳсилоти умумӣ давраҳои омӯзиширо гузашта, донишҳои иқтисодӣ ва молиявиро аз бар намуданд. Инчунин хонандагон дар бонкҳо ва ташкилотҳои қарзии мамлакат таҷриба омӯхта, бо ҷараёни кор дар шуъбаҳои гуногуни ташкилотҳои молиявӣ шинос гардиданд.
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
Бадахшон минтақаи дорои имконияти бузурги энергияи офтобӣ аст
Устувории иқтисоди миллӣ дар заминаи сиёсати пулию қарзӣ ва Паёми Президенти Тоҷикистон ба Маҷлиси Олӣ. Андешаҳо дар ин маврид
ЭНЕРГИЯИ «САБЗ». Дар Тоҷикистон иқтидори энергияи бодӣ 1 926,35 МВт-ро ташкил медиҳад
