Фаридун Юсуфҷонов: «Бозгардонидани кӯдакон аз Ироқ пешгирии мушкилотест, ки ояндаи наздик метавонист ба вуҷуд ояд»
ДУШАНБЕ, 02.05.2019 /АМИТ «Ховар»/. Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шоми 30 апрел 84 нафар шаҳрвандони ноболиғи тоҷик тариқи хатсайри Бағдод-Душанбе-Бағдод аз Ироқ ба Тоҷикистон баргардонида шуданд.
Вобаста ба ин иқдоми ватанпарваронаи Пешвои миллат ходими пешбари илмии шуъбаи масоили сиёсии муносибатҳои байналмилалии Институти фалсафа, сиёсатшиносӣ ва ҳуқуқи ба номи А.Баҳоваддинови Академияи илмҳои Ҷумҳурии Тоҷикистон Фаридун Юсуфҷонов зикр намуд, ки баргардонидани 84 нафар шаҳрвандони ноболиғи тоҷик ба Ватан бори дигар аз инсондӯстӣ ва ғамхориҳои пайвастаи Пешвои миллат нисбат ба халқи худ дарак медиҳад. Тавре худи Президенти Тоҷикистон Эмомалӣ Раҳмон гуфтанд: «Ягон кӯдаки мо дар кишвари бегона партофта нахоҳад шуд».
«Иқдоми пешанамудаи Сарвари давлат амали нек мебошад. Зеро ин иқдом, пеш аз ҳама, пешгирӣ намудани мушкилоте мебошад, ки дар ояндаи наздик метавонист ба вуҷуд ояд. Ҳангоми дар Сурия ва Ироқ зиндагӣ намудани ин ноболиғон онҳо аз таълиму тарбия дур монда, дар фазои ноором ба воя мерасиданд. Дар оянда метавонистанд ба қатори гурӯҳҳои террористӣ шомил шуда, даст ба ҷиноятҳои вазнини террористӣ зананд. Ин масъалаи сиёсиву геополитикиро Пешвои миллат дурандешӣ намуда, сари вақт пешгирӣ ва ҳал намуданд»,- гуфт Фаридун Юсуфҷонов.
Ба зикри номбурда, ҳарчанд ки кӯдакон бо сабаби беандешии волидайнашон ба ин сарзамин рафтаанд, вале онҳо бегуноҳ буда, ба зиндагии орому осуда ҳуқуқ доранд.
Тавре Вазорати корҳои хориҷии Ҷумҳурии Тоҷикистон 30 апрел иттилоъ дод: «Қазияи шаҳрвандони ноболиғи тоҷик дар Ироқ пурра ба анҷом расидааст ва онҳо дар наздиктарин фурсат ба Тоҷикистон баргардонида хоҳанд шуд».
Ҳоло 84 нафари онҳо ба Ватан баргардонида шуданд.
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
