Ҷоми КФО: дастаи «Хуҷанд» бо «Алтин Асир» мусовӣ бозӣ кард

Май 1, 2019 10:12

ДУШАНБЕ, 01.05.2019. /АМИТ «Ховар»/.  Дирӯз  дар доираи даври сеюми бозиҳои Ҷоми КФО дар гурӯҳи «Д» дастаи «Хуҷанд»-и Хуҷанд дар варзишгоҳи «20-солагии Истиқлолияти Тоҷикистон» бо  «Алтин Асир»-и Туркманистон қувва санҷида, бозиро бо натиҷаи 0:0 ба анҷом расонд.  Аловиддин БӮРИЕВ  шарҳ медиҳад.

Бозӣ дар нимаи аввал бо бартарии меҳмонон-дастаи «Алтин Асир» сурат гирифт. Аммо сармураббии дастаи «Хуҷанд» Виталий Левченко баъди иваз кардани бозингарон дар нимаи дуввум ба бозии футболбозони соҳили Сир тозагӣ ворид карда, тарҳи онро иваз намуд ва футболбозони «Хуҷанд» лаҳзаҳои хуби голзаниро ба вуҷуд оварданд. Сараввал Ҷаҳонгир Эргашев, баъдан Дилшод Бозоров ва Фирдавс Чақалов вазъиятҳои мусоиди тӯбзаниро истифода набурданд.

Дар ин вохӯрӣ ҳунарнамоии хуби дарвозабони «Хуҷанд» -Давид Купатадзе ба назар расид. Ӯ  дар ҳама лаҳзаҳо беҳтар аз ҳуҷумкунандагони меҳмонон буд. Шояд маҳорати ин дарвозабон буд, ки сармураббии дастаи «Алтин Асир» бозингари беҳтарини хати пеши дастаи худ-Салим Нурмуродов (муаллифи гол ба дарвозаи «Истиқлол» дар даври 2-юм) –ро иваз кард.

Дар натиҷаи кӯшишу ғайрати футболбозони «Хуҷанд» дар баробари яке аз беҳтарин дастаҳои гурӯҳи «Д» –«Алтин Асир» натиҷаи мусовии 0:0 ба даст омад ва футболбозони вилояти Суғд соҳиби 4 имтиёз гардиданд.

Акнун «Хуҷанд» дар даври чорум ба бозии баргашти худ, ки 15 май доир хоҳад шуд,  ба Туркманистон меравад. Дар ҷои дуввум боқӣ монадани дастаи «Хуҷанд» аз натиҷаи бозии байни дастаҳои Истиқлол» ва «Дордой» дар Варзишгоҳи марказии ҷумҳуриявии шаҳри Душанбе вобастагӣ дорад.

Ҷоми КФО-2019

Минтақаи марказӣ. Гурӯҳи «D». Даври 3-юм

«ХУҶАНД» (ТОҶИКИСТОН) – «Алтин Асир» (Туркманистон) – 0:0

«Хуҷанд» : Давид Купатадзе, Асилҷон Бегимқулов, Давронҷон Эргашев, Манучеҳр Ахмедов, Торнике Ҷимшелеишвили, Бахтиёр Чориев, Ойбек Абдуғаффоров, Комрони Мирзонажод, Дилшод Восиев (Дилшод Бозоров, 51), Ҷаҳонгир Эргашев, Турсуналӣ Рустамов (Фирдавс Чақалов, 72).

«Алтин Асир»:  Маммет Оразмухаммедов, Зафар Бобҷонов, Мекан Сапаров, Алтимурад Аннадурдиев, Салим Нурмуродов (Бегмурат Байов, 75), Мурат Якшиев, Мекан Аширов (Мурат Аннаев, 64), Гурбангелди Батиров (Аннасахет Аннасахедов, 57), Бахтиёр Гургенов, Велмурат Баллаков, Сердар Гелдиев.

Огоҳӣ: Асилҷон Бегимқулов («Хуҷанд»), Зафар Бобоҷонов, Велмурат Баллаков.

Бозингари беҳтаринМаммет Оразмухаммедов («Алтин Асир»).

Довари майдон: Халид Солеҳ Алтурайс (Арабистони Саудӣ).

Нозири доварон: Ҳусайн Ғадофарӣ (Кувайт).

Комиссари бозӣ: Санджай Кумар (Ҳиндустон).

30 апрел. Хуҷанд. Варзишгоҳи «20-солагии истиқлолияти Тоҷикистон». 5200 тамошобин.

Май 1, 2019 10:12

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад