«Санои Ватан»-озмунест дар Бадахшон, ки бахшида ба солгарди ҷашни Ваҳдати миллӣ доир мегардад
ХОРУҒ, 25.05.2019 /АМИТ «Ховар»/. Мақомоти иҷроияи ҳокимияти давлатии Вилояти Мухтори Кӯҳистони Бадахшон ба муносибати 20-умин солгарди ҷашни Ваҳдати миллӣ байни ҷавонон озмунро бо номи «Санои Ватан» эълон кард. Низомномаи озмун тасдиқ ва дар ихтиёри бахши вилоятии Иттифоқи нависандагони Тоҷикистон гузошта шуд. Озмун дар се давр баргузор гардида, даври аввали он дар сатҳи ҷамоатҳои деҳот, даври дуюм дар маркази шаҳру ноҳияҳо сурат мегирад. Даври ниҳоии озмуни мазкур 24 июн, дар арафаи ҷашни Ваҳдати миллӣ дар шаҳри Хоруғ ҷамъбаст мегардад.
Тавре мухбири АМИТ «Ховар» хабар медиҳад, дар озмун ҷавонони аз 18 то 30 сола ширкат меварзанд. Онҳое, ки ҳангоми қироати шеър мутобиқ ба мавзӯи он либос ё мусиқии мувофиқ интихоб мекунанд, албатта афзалият дода мешавад. Зеро ин ҳам як навъи эҷодкорӣ аст ва аз завқи шеърфаҳмию зебоипарастии ровӣ далолат медиҳад.
Раиси бахши вилоятии Иттифоқи нависандагони Тоҷикистон Лаълҷубаи Мирзоҳасан зикр кард, ки «дар озмун асосан ровиёни ҷавон ширкат мекунанд. Ҳакамони озмун ба мӯҳтаво ва тарзи қироати шеъри интихобнамудаи онҳо баҳо мегузоранд. Шеър беҳтарин василаи изҳори меҳру муҳаббат ба Меҳан аст. Дар адабиёти сеҳазорсолаи мо борҳо ба мушоҳида расидааст, ки як шеъри ватандӯстона садҳову ҳазорон нафарро барои ободии Ватан, сохтмонҳои азими тақдирсоз, ҳимояи сарзамин ҳидоят намудааст. Шеърро тарзе бояд қироат кунанд, ки гӯшро навозиш, рӯҳу равонро таскин ва ба зиндагӣ умед бахшад, инсонҳоро муттаҳид созад».
Яке аз дигар аъзои ҳакамон Руқия Давроншоева ба ин назар аст, ки рӯзи Ваҳдати миллӣ дар таърихи даврони истиқлолият ҷойгоҳи хос дорад ва ҳар қадар онро васф кунем, боз ҳам кам аст.
«Ба касе пӯшида нест, ки корвони ваҳдатсаро маҳз бо кӯшишу ҷонбозиҳои Пешвои миллат ба сарманзили хеш расид ва сол аз сол таҳкиму устувортар мегардад. Тақдири минбаъдаи он дар дасти ҷавонони боҳушу закӣ ва ватандӯсту бедордил аст»,- мегӯяд ӯ.
Ғолибон бо туҳфаҳои мақомоти иҷроияи ҳокимияти давлатии вилоят ва Раёсати Вазорати корҳои дохилии ҷумҳурӣ сарфароз мегарданд.
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
РӮЗИ БАЙНАЛМИЛАЛИИ ЗАРГАР. Мардуми тоҷик давоми ҳазорсолаҳо бо санъати заргарии худ шуҳрат пайдо кардааст.
НИШАСТИ МАТБУОТӢ. «Феҳристи номҳои миллии тоҷикӣ» дар таҳрири нав таҳия шудааст
