ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Хуҷанд шиногоҳи нав мавриди баҳрабардорӣ қарор гирифта, сохтмони боз як мактаби нав оғоз гардид

Июнь 26, 2019 10:00

ХУҶАНД, 26.06.2019. /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон  25 июни соли равон   бо иштироки раиси вилояти Суғд Раҷаббой Аҳмадзода ва раиси шаҳри Хуҷанд Маъруф Муҳаммадзода  дар соҳили чапи дарёи Сир, воқеъ дар  хиёбони Раҳмон Набиеви шаҳр, барои шаҳрвандону меҳмонон боз як шиногоҳи нав, яъне маҷмааи муосири   дорои ҳамаи шароитҳои истироҳату фароғат ба истифода дода шуд.

Маҷмааи мазкур  ҳудуди 300 метрро фаро гирифта, он дорои  ҳавзи шиноварӣ , майдончаҳои бозии футболу волейбол ва тенис, пайроҳа, истгоҳи нақлиётӣ, нуқтаҳои хизматрасонии обҳои ташнашикан, яхмос, дастгоҳҳои машқу тамрин буда, ҳамзамон ҳудуди он  бо чароғпояҳои муосир таҷҳизонида шудаанд, ки дар ин макон дар як вақт метавонанд беш аз 1000 нафар сокинон ва меҳмонони Хуҷандшаҳр истироҳат намоянд.

Тавре мухбири митақавии АМИТ “Ховар” Абдуаҳад Шарифзода иттилоъ медиҳад,  зимни ифтитоҳи шиногоҳи нав  раиси вилояти Суғд ба масъулини  Кумитаи ҳолатҳои фавқулода ва мудофиаи граждании вилояти Суғд дастур дод, ки ҷиҳати ба таври доимӣ омода намудани шиногоҳ мутобиқ ба меъёрҳои замони муосир тадбирҳо андешада, барои бехатарии шаҳрвандон як бунгоҳи назоратӣ низ таъсис диҳанд.

Ҳамзамон, дар ин рӯз  дар шаҳри Хуҷанд бо иштироки раиси вилояти Суғд ба сохтмони бинои иловагии муассисаи таҳсилоти миёнаи умумии №5-и шаҳр  санги асос гузошта шуд. Ин муассисаи таълимӣ аз  се ошёна иборат буда, барои таҳсили 280 хонанда дар як баст пешбинӣ гардида, лоиҳаи харҷномавии бино 6  миллион сомониро ташкил медиҳад.

Раҷаббой Аҳмадзода зикр кард, ки алъон дар ҳудуди вилоят сохтмони беш аз 50 адад мактаби  нав ва  15 адад кӯдакистон идома дорад, ки онҳо  то ҷашни 30- солагии Истиклолияти давлатии Ҷумҳурии Тоҷикистон мавриди баҳрабардорӣ қарор мегиранд.

Ёдовар мешавем, ки корҳои ободониву созандагӣ  ба ифтихори ҷашни таърихии мамлакат- 30-солагии Истиқлолияти давлатӣ  дар маркази вилояти  Суғд -шаҳри Хуҷанд босуръат идома доранд.

Тибқи иттилои масъули Мақомоти иҷроияи ҳокимияти давлатии шаҳри Хуҷанд  имрӯзҳо дар маркази вилоят бахшида ба истиқболи сазовори ҷашни хотирмони миллӣ тибқи нақша бунёду таъмир ва навсозии 510 иншооти гуногун роҳандозӣ гардида, то имрӯз наздик 190 иншоот мавриди баҳрабардорӣ қарор гирифтааст.

Июнь 26, 2019 10:00

Хабарҳои дигари ин бахш

ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
ҲАДИСИ МУСАВВАР. Роҳи мошингарди деҳаи Ориёно то шаҳраки Москваи ноҳияи Мир Сайид Алии Ҳамадонӣ мумфарш мегардад
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад