«ДАР БОРАИ ИДОРАКУНИИ ДАВЛАТӢ». Дар Душанбе муаррифии китоби Раиси Ҷумҳурии Мардумии Чин Си Ҷинпин, ки ба забони тоҷикӣ тарҷума ва нашр шудааст, доир гардид

Июнь 11, 2019 15:50

ДУШАНБЕ, 11.06.2019. /АМИТ «Ховар»/. Имрӯз дар шаҳри Душанбе  маросими рӯнамоии китоби Си Ҷинпин «Дар бораи идоракунии давлатӣ», ки ба забони тоҷикӣ тарҷума ва нашр шудааст, баргузор  гардид.  Ин маросим дар остонаи сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон  сурат гирифт.

Тавре мухбири АМИТ «Ховар» хабар медиҳад, дар рӯнамоии китоби мазкур  муовини якуми Сарвазири Ҷумҳурии Тоҷикистон  Давлаталӣ  Саид, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, муовини Раиси Маҷлиси намояндагони Маҷлиси Олии Ҷумҳурии Тоҷикистон Хайринисо Юсуфӣ, Сафири Фавқулодда ва Мухтори  Ҷумҳурии Мардуми Чин дар Ҷумҳурии Тоҷикистон  Лю Бин ва дигар намояндагони мақомоту идораҳо, корпусҳои дипломатии муқими Тоҷикистон  иштирок намуданд.

Давлаталӣ Саид номаи табрикии Пешвои миллат муҳтарам Эмомалӣ Раҳмонро ба иштирокдорони  ҷамъомад расонида, ки дар он  аз ҷумла гуфта мешавад: «Бовар дорам, ки ин китоб ба доираи васеи хонандагони тоҷик барои аз наздик шинос шудан бо Чин ва усулҳои муосири идоракунии давлатӣ дар ин мамлакат имконият фароҳам меорад. Бо шарофати сиёсати дурандешонаи Раиси Ҷумҳурии Мардумии Чин Си Ҷинпин мамлакат ба дастовардҳои иқтисодиву иҷтимоӣ ва илмиву техникӣ ноил гардид. Тоҷикистон аз ин дастовардҳои ҳамсояи наздики худ- Чин сидқан хушҳол аст».

Зикр гардид, ки китоби Си Ҷинпин «Дар бораи идоракунии давлатӣ», ки ба забони тоҷикӣ  тарҷума ва нашр шудааст, дар фазои фарҳангии тоҷикон дар арафаи ташрифи қарибулвуқӯи Президенти мардумии Чин Си Ҷинпин ба Ҷумҳурии Тоҷикистон падидаи муҳим маҳсуб мешавад. Китоби мазкур хонандагонро бо таърихи пурғановати гузаштаю имрӯза, орзуву омоли наҷиби мардуми Чин, муҳимтарин самтҳои рушди иқтисодию иҷтимоӣ, дурнамои ин мамлакат ва миллати соҳибтамаддун, ки дар арсаи олам аз зумраи пешсафтаринҳост, ошно месозад.

Таъкид шуд, ки китоби мазкур фарогири қариб 80 мақола, мусоҳиба ва гузоришҳо буда, ифодагари андешаву ниятҳо саҳифаҳои пурпечу тобу пуртаззоди рӯзгор гузашта, таҷрибаи бузурги таърихи Чин, роҳҳои ҳамкории судманд бо кишварҳо гуногуни олам, заминаҳои бениҳоят қавии таърихӣ, фалсафӣ, иҷтимоӣ, фарҳангӣ ва иқтисодии Ҷумҳурии Мардумии Чин мебошад.

Мавриди зикр аст, ки Тоҷикистону Чинро аз қадимулайём робитаҳои неки иқтисодию тиҷоратӣ ва илмию фарҳангӣ бо ҳам мепайвандад ва ин робитаҳо дар замони муосир бо соҳибистиқлол гардидани Ҷумҳурии  Тоҷикистон ва бо саъю талоши сарони ҳар ду давлат вориди марҳиллаи сифатан нав гардидааст.

Имрӯз Ҷумҳурии Мардумии Чин шарики стратегии Ҷумҳурии Тоҷикистон буда, таҳким ва густариши робитаҳои дӯстонаи Тоҷикистон бо давлати Чин яке аз самтҳои афзалиятноки сиёсати хориҷии Тоҷикистон мебошад.

Июнь 11, 2019 15:50

Хабарҳои дигари ин бахш

10 ЗИНА БОЛОТАР! Тоҷикистон мавқеи худро дар раддабандии ҷаҳонии амнияти озуқаворӣ беҳтар сохт
Эмомалӣ Раҳмон иштирокчиёни Саммити чоруми оби кишварҳои минтақаи Осиё ва Уқёнуси Оромро ба Душанбе даъват карданд
Дар Тоҷикистон 92,9 фоизи шаҳрвандон вояи якуми ваксина бар зидди COVID-19 гирифтаанд
ТОҶИКИСТОН — ЯКЕ АЗ КИШВАРҲОИ ПЕШҚАДАМИ ПЕШБАРАНДАИ ТАРЗИ ҲАЁТИ СОЛИМ ДАР ИДМ. Ба чунин хулоса омадааст созмони бритониёии Abbey Care Foundation
Музаффар Ашуриён: Дар низоми давлатдорӣ мақомоте, ки сиёсати ҳуқуқии давлатро амалӣ мегардонад, мақомоти адлия мебошад
Миёни Тоҷикистон ва Қазоқистон парвозҳои мунтазам афзоиш дода мешаванд
ДАР ПАРТАВИ ҲИДОЯТҲОИ ПРЕЗИДЕНТ. Дар шаҳри Кӯлоб бахшида ба иди Рамазон ярмаркаҳои фурӯши маҳсулоти мавриди ниёзи аввал ташкил карда мешаванд
Президенти Тоҷикистон чӣ гуна роҳ надодан ба болоравии нархи маҳсулотро фаҳмонданд
ТУТ ДАЪВАТ КАРД, КИ ДАР МУНОСИБАТ БО КОВИД-19 ҲУШЁРӢ АЗ ДАСТ ДОДА НАШАВАД. Ситоди ҷумҳуриявӣ барои пурзӯр намудани тадбирҳои зиддиэпидемикӣ дар Тоҷикистон кадом қарорро қабул намуд?
Сарвазири мамлакат ҷаласаи Кумитаи тадорукоти Конфронси дуюми сатҳи баланд оид ба Даҳсолаи байналмилалии «Об барои рушди устувор»-ро доир намуд
ИМРӮЗ — РӮЗИ КАЙҲОННАВАРДОН. Тоҷикистон дар нахустин парвози инсон ба кайҳон саҳм гузоштааст
ДАРОЗУМРӢ АФЗОИШ МЕЁБАД. Дар Тоҷикистон шумораи нафақахӯрон давоми панҷ сол 13,5 фоиз зиёд шудааст