Вазири фарҳанги Тоҷикистон бо Сафири Чин дар Тоҷикистон мулоқот намуд
ДУШАНБЕ, 03.06.2019. /АМИТ «Ховар»/. Имрӯз Вазири фарҳанги Ҷумҳурии Тоҷикистон Шамсиддин Орумбекзода бо Сафири фавқуллодда ва мухтори Ҷумҳурии Мардумии Чин дар Ҷумҳурии Тоҷикистон Лю Бин вохӯрӣ доир намуд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар ҷараёни вохӯрӣ масъалаи таҳкими робитаҳои фарҳангии ду давлат Тоҷикистону Чин баррасӣ гардид.
Лю Бин иброз дошт, ки Рӯзҳои фарҳанги Тоҷикистон дар Чин, ки моҳи майи соли равон сурат гирифт, ба густариши робитаҳои фарҳангӣ такони ҷиддӣ бахшид.
«Рӯзҳои фарҳангӣ равзанае мебошанд, ки тавассусти онҳо мардуми кишварҳои гуногун аз фарҳанг ва санъати ҳамдигар хабардор мешаванд», — зикр намуд Сафир.
Шамсиддин Орумбекзода оид ба робитаҳои дӯстонаи ду кишвари ҳамсоя, ки аз қаъри асрҳо маншаъ мегирад, сухан гуфта, изҳор дошт, ки имрӯз имконияти васеъ барои ҳамкорӣ дар соҳаи санъат, фарҳанг, театр ва тарбияи кадрҳо мавҷуд мебошад.
Инчунин зимни вохӯрӣ ҷонибҳо оид ба муаррифии китоби «Си Ҷин Пин оид ба идоракунии давлатӣ», ки маҷмӯи суханрониҳо ва мусоҳибаҳои Раиси Ҷумҳурии Мардумии Чин Си Ҷин Пинро дар бар мегирад, суҳбат намуданд. Рӯнамоии китоби мазкур, ки дар радифи чандин забонҳои дунё ба забони тоҷикӣ тарҷума шудааст, дар доираи сафари давлатии Раиси Ҷумҳурии Мардумии Чин ба Тоҷикистон сурат мегирад.
Ҳамчунин дар вохӯрӣ масъалаи ташкили Маркази фарҳангии Тоҷикистон дар Чин ва Маркази фарҳангии Чин дар Тоҷикистон матраҳ гардид. Зикр гардид, ки ташкили чунин марказҳо ба таҳкими робитаҳои фарҳангии ду кишвар неруи тоза хоҳад бахшид.
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
