Вазорати меҳнат, муҳоҷират ва шуғли аҳолӣ барои наврасони маҳаллаи Зарафшони шаҳри Душанбе майдончаи варзишӣ бунёд намуд

Июнь 24, 2019 08:20

ДУШАНБЕ, 24.06.2019 /АМИТ «Ховар»/. Дар арафаи ҷашни Ваҳдати миллӣ  дар маҳаллаи Зарафшони ноҳияи Синои шаҳри Душанбе майдончаи варзишӣ барои бозии кӯдакон ва  макони истироҳат барои  калонсолон мавриди баҳрабардорӣ  қарор гирифт. Дар арафаи ҷашни Ваҳдати миллӣ  бунёди  ин макони варзишию фароғатӣ  барои сокинони  биноҳои  М7/1, М7/3, М7/4, М7/5,  25 ва 26-и маҳаллаи Зарафшон   беҳтарин туҳфа  гардид.

Майдончаи мазкур дар  асоси фармоиши Ҳукумати Ҷумҳурии Тоҷикистон аз 20 ноябри соли 2018 аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон бунёд  гардид.

Бояд илова кард, ки масоҳати умумии қитъаи замин  аз рўи лоиҳа 3700 метри мураббаъро ташкил дода, аз ин масоҳат майдончаи варзишии универсалӣ – 540 метри мураббаъ,  майдончаи бозии кӯдакон 470 метри мураббаъ,  макони истироҳати калонсолон 483 метри мураббаъ, масоҳати сабзазоркунӣ 1490 метри мураббаъ, масоҳати роҳу роҳравҳо аз сангҳои ороишӣ 1500 метри мураббаъ ва мумфаршкунии атрофи майдонча 1800 метри мураббаъро ташкил медиҳад.

Майдончаи мазкур бо таҷҳизоти замонавии варзишӣ муҷаҳҳаз гардида, ҳудуди он бо гулу буттаҳои сабз оро дода шудааст.

Лозим ба ёдоварист, ки чунин майдончаҳои варзишӣ аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон  соли 2017 дар қисмати ғарбии шаҳраки 92 ва  соли 2018 дар кўчаи А. Навоӣ 57, маҳалаи 112–и ноҳияи Синои шаҳри Душанбе сохта  ба истифода дода шудаанд.

Июнь 24, 2019 08:20

Хабарҳои дигари ин бахш

Ҷамъоварии пахта дар Ёвон бомаром идома дорад
Дар Норак ҷаласаи дуюми Шурои ҳавзаи дарёи Вахш баргузор гардид
Дар Тоҷикистон барои парвариш намудани занбӯри асал шароити мусоид фароҳам аст
Фонди авруосиёии муътадилгардонӣ ва рушд барои татбиқи лоиҳаҳои афзалиятноки Тоҷикистон изҳори омодагӣ намуд
Дар шаҳри Ваҳдат шуъбаи Бозрасии давлатии автомобилӣ ба истифода дода шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид
Ҳайати Тоҷикистон дар Форуми чоруми Осиёи Марказӣ оид ба пиринг ва интерконнект иштирок намуд
ТАЪМИНИ АҲОЛӢ БО ГАРМӢ. Маркази барқу гармидиҳии №2-и шаҳри Душанбе ба кор шуруъ намуд
Директори «Агентии Тоҷикстандарт» бо фаъолияти озмоишгоҳҳои Пажӯҳишгоҳи миллии метрологии Узбекистон шинос шуд
Гардиши савдо байни Тоҷикистон ва Русия тақрибан 2 миллиард доллари амрикоиро ташкил дод
Ҷаласаи 21-уми Комиссияи байниҳукуматии Тоҷикистону Русия баргузор гардид
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт