Дар Душанбе таҳти унвони «Рушди қонунгузории Ҷумҳурии Тоҷикистон дар соҳаи муҳоҷират» ҳамоиш баргузор гардид
ДУШАНБЕ, 31.07.2019/АМИТ «Ховар»/. Имрӯз дар Маркази миллии қонунгузории назди Президенти Ҷумҳурии Тоҷикистон таҳти унвони «Рушди қонунгузории Ҷумҳурии Тоҷикистон дар соҳаи муҳоҷират» ҳамоиш баргузор гардид.
Тавре хабарнигори АМИТ «Ховар» иттилоъ медиҳад, дар ҳамоиш намояндагони вазорату идораҳои давлатӣ ва муассисаҳои илмию тадқиқотии мамлакат ширкат намуданд. Зимни ҳамоиш зикр шуд, ки солҳои охир дар самти қонунгузории муҳоҷират корҳои назаррас анҷом дода мешаванд.
Муовини Директори Маркази миллии қонунгузорӣ Фарҳод Абдураҳмон иброз дошт, ки ҷараёни муҳоҷират хоси аксари давлатҳои дунё, аз ҷумла Тоҷикистон аст. Бо мурури замон ва рушди ҳаёти ҷамъиятӣ дар соҳаи мазкур муносибатҳои нав ба вуҷуд омаданд, ки танзими ҳуқуқӣ талаб менамоянд. Дар раванди инкишофи муносибатҳои ҷамъиятӣ дар соҳаи мазкур зарурати таҳлили қонунгузорӣ дар шароити муосир ба вуҷуд меояд.
Ҳамзамон дар ҳамоиш бо мақсади баррасии масъалаҳои мухталифи муҳоҷират олимону муттахассисони соҳа вобаста ба паҳлӯҳои иқтисодӣ, иҷтимоӣ ва ҳуқуқии муҳоҷират ибрози ақида намуданд.
Мавзӯъҳое, ки дар ҷамъомад мавриди баррасӣ қарор гирифтанд, вазъи муҳоҷират дар Ҷумҳурии Тоҷикистон, муҳоҷирати байналмилалӣ дар ҷаҳон, роҳҳои ҳалли мушкилоти он, назорати прокурорӣ ва вазъи будубоши шаҳрвандони хориҷӣ дар ҷумҳурӣ, инчунин дигар мавзӯъҳои муҳоҷират ва сабабу омилҳои ин равандро фарогир буданд.
Дар интиҳои ҳамоиш вобаста ба мавзӯъҳои матраҳгардида аз ҷониби ширкаткунандагон пешниҳодҳои судманд манзур гардиданд.
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
