Дар Тоҷикистон Анҷумани V маҳфили «Ҷавонони дар хориҷи кишвар таҳсилдошта» баргузор мегардад
ДУШАНБЕ, 24.07.2019 /АМИТ «Ховар»/. Аз 12 то 15 августи соли равон дар Ҷумҳурии Тоҷикистон Анҷумани V маҳфили «Ҷавонони дар хориҷи кишвар таҳсилдошта» баргузор мегардад. Дар кори Анҷуман роҳбарони намояндагии маҳфил дар давлатҳои хориҷ, аъзои он ва дигар масъулини соҳа иштирок менамоянд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон роҳбари маҳфили «Ҷавонони дар хориҷи кишвар таҳсилдошта» Каримҷон Салимзода ба АМИТ «Ховар» иттилоъ дод, ҳоло шумораи аъзои маҳфил ба беш аз 30 ҳазор нафар расида, бо мақсади натиҷагирии фаъолияти кори он ҳамасола дар ҷумҳурӣ анҷумани маҳфил баргузор мегардад. Имсол дар кори анҷуман намояндагони 16 давлати дунё иштирок намуда, фаъолияти солонаи маҳфилро баррасӣ менамоянд. Ҳамзамон дар доираи баргузории он ташкили як силсила чорабиниҳо, аз ҷумла конфронс, мизи мудаввар, тренинг ва машғулиятҳои омӯзишӣ дар назар дошта шудааст.
Ёдовар мешавем, ки маҳфили «Ҷавонони дар хориҷи кишвар таҳсилдошта» соли 2014 дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади дӯсту муттаҳидгардонии ҷавонони дар хориҷ таҳсилдошта ва баррасии мушкилоти онҳо таъсис ёфтааст. То имрӯз намояндагии маҳфил дар 16 давлат фаъолияти худро ба роҳ монда, он дар ҳамкорӣ бо намояндагии дипломатии Ҷумҳурии Тоҷикистон дар хориҷи мамлакат барои баррасии мушкилоти илмомӯзии донишҷӯёни тоҷик ва дигар масъалаҳои ба ҳаёти онҳо марбут мусоидат менамояд.
Анҷумани V маҳфили «Ҷавонони дар хориҷи кишвар таҳсилдошта» 12 августи соли 2019 дар шаҳри Душанбе оғоз гардида, дар шаҳру навоҳии мамлакат то 15 август идома меёбад. Дар доираи баргузории он иштирокчиён метавонанд аз ноҳияи Айнӣ, шаҳри Панҷакент, Истаравшан ва Гулистони вилояти Суғд дидан намоянд.
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
