Донишкадаи давлатии санъати тасвирӣ ва дизайни Тоҷикистон ба Намоиши санъати портрет миёни давлатҳои СҲШ омодагӣ мебинад
ДУШАНБЕ, 24.07.2019. /АМИТ «Ховар»/. Айни замон Раёсати Донишкадаи давлатии санъати тасвирӣ ва дизайни Тоҷикистон барои иштирок дар Намоиши санъати портрет, ки дар шаҳри Пекини Ҷумҳурии Мардумии Чин миёни давлатҳои аъзои Созмони Ҳамкории Шанхай (СҲШ — ШОС) баргузор мегардад, омодагӣ мебинад. Ин матлабро Ректори донишкадаи мазкур Ҷамшед Ғанизода имрӯз, 24 июл зимни нишасти матбуотӣ баён дошт.
Ба зикри мавсуф, баргузории намоиши мазкур моҳи декабри соли равон дар назар дошта шуда, дар он корҳои эҷодии 15 нафар омӯзгорони донишкада ба намоиш гузошта мешаванд.
Гуфта шуд, ки омӯзгорони эҷодкори донишкада дар намоишҳои сатҳи дохилидонишкадавӣ, ҷумҳуриявӣ ва байналмилалӣ асарҳои худро ба тамошо гузоштаанд. Ҳамзамон корҳои эҷодии онҳо дар доираи намоиши таблиғотӣ ба сифати нигораҳо пешниҳод гардидаанд.
Бояд тазаккур дод, ки Донишкадаи давлатии санъати тасвирӣ ва дизайни Тоҷикистон давоми шаш соли фаъолияти худ ҳамчун мактаби олии касбӣ ташаккул ёфта, аввалин муассисаи мустақили давлатӣ мебошад, ки дар соҳаи санъати тасвирӣ ва дизайн бакалавр ва магистрҳо тайёр мекунад.
Ёдовар мешавем, ки сохтори таълимии донишкадаро 3 факултет, 7 кафедра, шуъбаи тайёрӣ, Маркази бачагонаи рассомӣ, устохонаҳои тахассусӣ ва дигар шуъбаҳо ташкил медиҳанд.
Туҳфаи арзандаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Ёвон расид
Дар Вазорати фарҳанг бахшида ба Рӯзи Конститутсияи Тоҷикистон ҳамоиши илмӣ доир шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
