«ГАР ШИНОВАР НЕСТӢ…». Дар Тоҷикистон тӯли шаш моҳи имсол бо сабаби риоя накардани қоидаҳои шиноварӣ 64 нафар ба ҳалокат расидаанд

Июль 10, 2019 08:36

ДУШАНБЕ, 10.07.2019. /АМИТ «Ховар»/. Дар  Тоҷикистон  дар тӯли шаш моҳи соли ҷорӣ  бар асари риоя накардани қоидаҳои шиноварӣ 64 нафар ба ҳалокат расидаанд.   Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад.

  Гуфта мешавад, ки ин шумора то 9 июли соли 2019 ба қайд гирифта шуда, аз он  28 нафар то 16-сола ва боқимонда аз 17-сола боло мебошанд.

«Аз ин хотир, ба сокинон ва меҳмонони мамлакат тавсия дода мешавад, ки  қоидаҳои шиновариро ҷиддан риоя намоянд», — омадааст дар иттилояи Кумита. Тавре шоир гуфтааст:

Гар шиновар нестӣ,  пой бар лаби дарё манеҳ,
Дар миёнаш ғарқ монӣ,  аз канор андеша кун!..

 Мавриди зикр аст, ки бо мақсади пешгирӣ аз чунин ҳодисаҳои нохуш кормандони Кумитаи ҳолатҳои фавқулода ва мудофиаи гражданӣ  якҷо бо дигар сохторҳои дахлдори мамлакат мунтазам миёни аҳолӣ корҳои фаҳмондадиҳӣ анҷом медиҳанд.

«Оббозӣ дар ҷойҳои барои шиноварӣ номусоид, надонистани шиноварӣ ва бетаваҷҷуҳии волидон аз сабабҳои аслии ғарқшавии кӯдакон дар дарёҳо ҳисобида мешавад. Аслан оббозӣ дар ин дарёҳо хатарнок буда, шиноварӣ дар онҳо тавсия дода намешавад. Танҳо маконҳои муайяне ҳастанд, ки он ҷо оббозӣ кардан мумкин аст. Лекин баъзе аз сокинон ҳушдору огоҳиҳои кормандони Кумитаи ҳолатҳои фавқулода ва мудофиаи гражданиро нодида мегиранд, ки боиси ғарқшавии онҳо мегардад»,-бо ташвиш изҳор  дошт манбаъ.

 

Июль 10, 2019 08:36

Хабарҳои дигари ин бахш

Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд