Сардори Саридораи геология: «Захираҳои газу нафти Тоҷикистон дар чуқуриҳои аз 3 то 5 ҳазор метр дар қаъри замин ҷойгиранд»

Июль 17, 2019 11:20

ДУШАНБЕ, 17.07.2019. /АМИТ «Ховар» /. Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода имрӯз зимни нишасти матбуотии ин ниҳод изҳор дошт, ки «дар Ҷумҳурии Тоҷикистон захираҳои газу нафт мавҷуд буда, онҳо дар чуқуриҳои аз 3 то 5 ҳазор метр дар қаъри замин ҷойгиранд. Айни замон корҳои омӯзиши геологӣ ва коркарди онҳо ҷараён доранд».

Тавре мухбири АМИТ «Ховар» иттилоъ медиҳад, дар нишаст зикр гардид, ки Тоҷикистон дорои захираҳои зиёди геологӣ буда, ба ин захираҳо тилло, нуқра, сурб, металлҳои ранга, сиёҳ, қиматбаҳо, ашёи радиоактивӣ, сангҳои қиматбаҳо, нимқимматбаҳо ва худҷилову ороишӣ, ашёи агросаноатӣ, маводи сохтмонӣ, обҳои зеризаминӣ ва ғайра дохил мешаванд.

«Дар шаш моҳи соли равон дар натиҷаи корҳои анҷомдода захираҳо бо категорияҳои гуногун ҳисоб шуда, тавозуни давлат аз ҳисоби тилло, ангишт, хок, оҳаксанг, ашёи сементӣ, газ ва нафт ғанӣ гардонида шуд», — илова намуд Илҳомҷон Оймуҳаммадзода.

Бояд зикр намуд, ки ҷустуҷӯ ва иктишофи конҳои маводи сӯзишворӣ ва энергетикӣ, ки ба онҳо  нафту газ ва ангишт дохил мешаванд, хусусияти хоси омӯзиши геологӣ доранд.

Аз ин хотир, тибқи Барномаи давлатии рушди соҳаи геологияи Ҷумҳурии Тоҷикистон барои солҳои 2012-2020, фармоишгари корҳои дар барнома пешбинишуда Ҳукумати Ҷумҳурии Тоҷикистон буда, мақоми иҷроияи ин корҳо Саридораи геология  ва ташкилотҳои ғайридавлатӣ мебошанд.

«Ҳамаи корҳое, ки дар самти гузаронидани санҷиш ва коркарди захираҳои геологӣ анҷом дода мешаванд, дар асоси қарордоди дуҷонибаи Саридораи геология ва тарафи дигар ба амал бароварда мешаванд. Соли равон ҷиҳати истифодаи қаъри замин ва бонуси кашфи тиҷоратӣ бо 22 ширкат қарордоди ҳамкорӣ ба имзо расонида шуд, ки маблағи умумии он зиёда аз 108 миллиону 200 ҳазор сомониро ташкил медиҳад», — зикр намуд Илҳомҷон Оймуҳаммадзода.

Июль 17, 2019 11:20

Хабарҳои дигари ин бахш

Ҷаласаи 21-уми Шурои ҳамоҳангсози байнидавлатии роҳбарони мақомоти назорати суғуртавии ИДМ доир шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст мегардад
Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид
Намояндаи Тоҷикистон дар Форуми иқтисодии Авруосиё 2025 иштирок намуд
Ҳамкории Институти масъалаҳои об, гидроэнергетика ва экологияи Тоҷикистон ва Донишгоҳи захираҳои табиӣ ва илмҳои амалии Австрия густариш меёбад
Барои истифодаи сарфакоронаи неруи барқ дар шаҳру навоҳии тобеи ҷумҳурӣ корҳои фаҳмондадиҳӣ мегузаронанд
Дар Боку Форуми байналмилалӣ доир ба рушди омор оғоз гардид
ҲАҶМИ ИСТЕҲСОЛИ ГӮШТ ДАР ТОҶИКИСТОН 10 ФОИЗ ЗИЁД ГАРДИД. Чаро нархи гӯшт дар бозори истеъмолӣ пайваста боло меравад?
Ҷаласаи нуздаҳуми Кумитаи ҳамоҳангсоз оид ба содагардонии расмиёти савдо баргузор гардид
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
Тоҷикистон ва Барномаи рушди СММ ҳамкориро дар самти муқовимат ба коррупсия густариш медиҳанд
Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд