«Тоҷикматлубот» дар Душанбе таъсиси 58 нуқтаи савдо ва сохтмони як сардхонаро ба нақша гирифтааст

Июль 23, 2019 15:04

ДУШАНБЕ, 23.07.2019. /АМИТ «Ховар»/. Раёсати Иттифоқи «Тоҷикматлубот» тасмим гирифтааст, ки  дар пойтахти мамлакат-шаҳри Душанбе барои қонеъ намудани талаботи мардум бо маҳсулоти хӯрокӣ 58 нуқтаи савдо (павилйон) кушояд.  Ҳамчунин  анъанаи солҳои пешинро идома дода,   барои бо нархҳои дастрас пешниҳод намудани  маҳсулоти мавриди ниёзи аввал ба сокинону меҳмонони  пойтахт  дар ярмарка – фурӯшҳои маҳсулоти кишоварзии  аз ҷониби мақомоти иҷроияи ҳокимияти давлатии шаҳри Душанбе баргузоршаванда фаъолона иштирок намояд. Ин матлабро имрӯз муовини Раиси Раёсати Иттифоқи «Тоҷикматлубот» Хуршед РАҲМОНАЛИЗОДА дар нишасти матбуотии ниҳоди мазкур баён дошт.

Дар нишаст ҳамчунин таъкид гардид, ки «Тоҷикматлубот»  барои боз ҳам беҳтар ба роҳ мондани фаъолият  бунёди  боз як сардхонаро ба нақша гирифтааст. Алҳол се сардхонаи   сохтори мазкур дар шаҳрҳои Душанбеву Исфара ва ноҳияи Бобоҷон Ғафурови вилояти Суғд фаъол мебошанд, ки барои тару тоза нигоҳ доштани маҳсулоти кишоварзӣ  мусоидат менамоянд.

 Гуфта шуд, ки  дар шаш  моҳи соли равон дар асоси дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати  расонидани  ёрӣ ба  қишри ниёзманди ҷомеа ба маблағи 41 ҳазору 885 сомонӣ ба шахсони муҳтоҷ  кумакпулии яквақтина расонида шуд.

Ҳамчунин дар ин давра кормандони  «Тоҷикматлубот»   дар ярмарка- фурӯши маҳсулоти агросаноатӣ дар «Бозори Меҳргон»-и ноҳияи Исмоили Сомонӣ,   буриши кӯчаҳои Ҳусейнзода ва Мирзо Турсунзодаи ноҳияи Шоҳмансур (назди Кумитаи сохтмон ва меъмории назди Ҳукумати Ҷумҳурии Тоҷикистон),   майдончаи назди бозори «Қарияи боло»-и ноҳияи Сино,  майдончаи назди КВД «Бозори Саховат»-и ноҳияи Фирдавсӣ ва   майдончаи назди КВД «Бозори Деҳқон»-и ноҳияи  Синои пойтахт    ташкил гардида,   ба аҳолӣ хизмат расониданд. Аз ҷумла, дар муҳлати 35 рӯз 40, 7 тонна гӯштро  бо  нархи 40 сомонӣ ба фурӯш расониданд.

Алҳол 16 нуқтаҳои  фурӯши (мошинҳои) Раёсати мазкур   дар маҳаллаҳои сераҳолии пойтахт, ки аз бозорҳо ва дигар марказҳои савдо дар масофаи дур воқеъ гардидаанд,  ба аҳолӣ хизмат мерасонанд.

Июль 23, 2019 15:04

Хабарҳои дигари ин бахш

Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст