Ходими адабии АМИТ «Ховар» яке аз ғолибони Озмуни Иттифоқи нависандагони Тоҷикистон ба ифтихори ҷашни Истиқлолият гардид
ДУШАНБЕ, 27.08.2019. /АМИТ «Ховар»/. 27 август маҷлиси Садорати Иттифоқи нависандагони Тоҷикистон баргузор гардид, ки дар он натиҷаҳои Озмун бахшида ба беҳтарин асарҳо дар соҳаи наср, драматургия, очерку публисистика ва назм дар мавзӯи Истиқлолияти давлатии Тоҷикистон ҷамъбаст гардиданд. Ҳайати доварон ба чунин хулоса омад, ки ҳар се ҷоизаи эълоншуда ба асарҳои соҳаи назм супорида шаванд.
Шоири халқии Тоҷикистон, муаллифи матни суруди миллӣ Гулназар барои эҷоди «Сӣ рубоӣ бахшида ба сисолагии Истиқлолият»; Шоири халқии Тоҷикистон, ходими адабии АМИТ «Ховар» Камол Насрулло барои шеъри «Истиқлол» ва манзумаи «Қасидаи озодӣ» ва шоири маъруфи тоҷик Рустами Ваҳҳоб барои силсилаи манзумаи «Салом, ҳуҷҷати инсонии ман Истиқлол» ғолиби озмун ва сазовори ҷоиза дониста шуданд.
Инак, яке аз шеърҳои дар озмун ғолибомада, шеъри «Истиқлол»-и Камол Насрулло манзури шумо мегардад:
ИСТИҚЛОЛ
Вожаи аз зиндагӣ саршор, истиқлол!
Қалъаи шаъну вафову ор, истиқлол!
Ҳуҷҷати бахту муроди халқи хушзотам,
Бо туям фархундаву подор, истиқлол!
Аз фулузу санги Меҳан пайкари худро
Метарошам бо кафи хуншор, истиқлол!
Вораҳон аз нав маро аз маҳбаси таърих,
Бо фурӯғи тозаам биброр, истиқлол!
Ҳиммату эҳсону меҳри рӯзгоронам,
Бо ту танҳо, бо ту бод изҳор, истиқлол!
Ин туӣ болу пари симурғии бахтам,
Лонаат дар кӯҳи нангу ор, истиқлол!
Ин манам аз оташат вораста чун Қақнус,
Бо ту эҳё гаштаам ин бор, истиқлол!
Бо ту кохи нур, бо ту савту сози сур,
Бо ту дорам ҷони нусратбор, истиқлол.
Эй суруди ман, дуруди ман, вуҷуди ман
Бо ту бошад зиндаву бедор, истиқлол!
Охирин армони миллат дар раҳи будан,
Охирин уммеди зери дор, истиқлол!
Китобҳои ноширони тоҷик ба Намоишгоҳи байналмилалии «Китоби Абузабӣ» пешниҳод шуданд
Ҳунарманди халқии Тоҷикистон Асланшоҳ Раҳматуллоев аз олам даргузашт
35-СОЛАГИИ ИСТИҚЛОЛИ ДАВЛАТӢ. Дар Хуҷанд Маҷмааи муосири варзишии «Суғд Арена» сохта мешавад
«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон оғоз гардид
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
СОҲИБКОРОНИ ВАТАНДӮСТ. Бо ташаббуси онҳо дар Хатлон сохтмони муассисаҳои таҳсилоти томактабӣ идома дорад
«УМРЕ БО МУСИҚӢ». Дар Душанбе ҳамоиши илмӣ баргузор гардид
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
