Майдончаи варзишӣ-сеюмин туҳфаи Агентии назорати маводи нашъаовар ба сокинони шаҳри Душанбе
ДУШАНБЕ, 16.08.2019. /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дирӯз дар ноҳияи Синои шаҳри Душанбе боз як майдончаи нави варзишӣ ва бозии кӯдакон мавриди истифода қарор гирифт.
Тавре мухбири АМИТ «Ховар» иттилоъ медиҳад, майдончаи мазкур дар кӯчаи Туниси ин ноҳия аз ҷониби Агентии назорати маводи нашъаовари назди Президенти Ҷумҳурии Тоҷикистон сохта шудааст. Дар маросими кушодашавии он директори Агентӣ Шерхон Салимзода, муовини Раиси шаҳри Душанбе Мавсума Муинӣ, Раиси ноҳияи Сино Нусратулло Салимзода ва дигарон иштирок намуданд.
Ин сеюмин майдончаи варзишиест, ки бо қувваи кории кормандони Агентӣ дар пойтахти мамлакат бунёд мегардад. Майдонча пурра бо шароити мусоид барои истироҳату фароғат ва варзишу бозии кӯдакону сокинон таъмин мебошад.
Дар майдончаи варзишӣ ҷой барои бозию дилхушии кӯдакон, тамрини бадан барои калонсолон, футболи хурд, волейбол, баскетбол ва сайру гашти сокинони маҳалла бунёд гардидааст. Ҳудуд ва атрофи майдонча сабзкорӣ шуда, дар он дарахтони сояафкан, аз ҷумла 165 дарахти арча шинонида шудааст, ки ин мавзеъро боз ҳам зебову назаррабо менамоянд.
Майдонча бо харҷи 654 ҳазор сомонӣ бунёд гардида, масоҳати он 3206,00 метри мураббаъро ташкил медиҳад.
Сокинони маҳалла ин иқдомро самараи таваҷҷуҳу ғамхориҳои роҳбарияти олии мамлакат нисбат ба аҳолӣ, махсусан ҷавонон, ки насли ояндасози мамлакат ба ҳисоб мераванд, маънидод намуданд.
Имрӯз дар боғҳои фарҳангӣ-фароғатии Душанбе барномаҳои рангини фарҳангӣ баргузор мешаванд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Субҳи имрӯз «Корвони наврӯзӣ» ба сокинону меҳмонони пойтахт навиди фарорасии баҳорро расонид
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» баргузор мегардад
Наврӯз ҳамчун бренди миллӣ ва абзори «дипломатияи фарҳангӣ»: натиҷаҳо ва дурнамои Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
МУЖДАИ ФАРОРАСИИ БАҲОР. Онро корвони наврӯзӣ тавассути чор дарвозаи пойтахт ба сокинон мерасонад
Имрӯз иҷлосияи панҷуми Маҷлиси вакилони халқи шаҳри Душанбе, даъвати ҳафтум доир шуд
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор гардид
Тантанаҳои наврӯзӣ дар боғҳои фарҳангӣ-фароғатии шаҳри Душанбе то 28 март идома меёбанд
Дар Тоҷикистон барномаҳои фарҳангии Ҷашни байналмилалии Наврӯз доир мегарданд
