ПАХТА ДАР САҲРО ШУКУФТА… Дар хоҷагиҳои мамлакат ҷамъоварии ҳосил бо маром идома дорад

Август 28, 2019 16:20

ДУШАНБЕ, 28.08.2019. /АМИТ «Ховар»/. Имрӯзҳо кишоварзони ҷумҳурӣ баҳри сари вақт ва беталаф ҷамъоварӣ намудани ҳосили ба даст овардаашон   аз тамоми воситаю имкониятҳо самаранок истифода менамоянд.

Тавре ки аз Вазорати кишоварзии Ҷумҳурии Тоҷикистон ба хабарнигори АМИТ «Ховар» иттилоъ  доданд, аз 5 то 23 август дар мамлакат кишоварзон аз 185 ҳазору 670 гектар  2 ҳазору 864 тонна пахта ҷамъоварӣ намудаанд, ки 1,0 фоизи дурнаморо ташкил медиҳад. Барои ҷамъоварии пахтаи саҳроҳои мамлакат  27 ҳазору  802  нафар  чинакчиён ба кор сафарбар гардидаанд.

Барои сари вақт ва беталаф ҷамъоварӣ намудани пахта масъулини соҳаи кишоварзии ноҳияҳо ва вилоятҳои кишоварзӣ вазифадор гардидаанд, ки дастранҷи марди деҳқонро беталаф  ҷамъоварӣ  намоянд.

Дар вилояти Хатлон деҳқонони ноҳияҳои Шаҳритус, Қубодиён, Носири Хусрав, Ҷайҳун, Қумсангир, Хуросон, Восеъ, Дӯстӣ, Кӯшониён, А.Ҷомӣ, Фархор, Данғара ва Ҳамадонӣ ба ҷамъоварии пахта оғоз намудаанд.

Ёдовар бояд шуд, ки пахта яке аз маҳсулоти содиротӣ буда, барои саноати сабук  баъди  алюминий ашёи хом ба ҳисоб меравад. Аз ин рӯ сол то сол майдони кишти пахта дар мамлакат зиёд карда мешавад.

Соҳаи   пахтакорӣ дар Тоҷикистон яке аз соҳаҳои асосии стратегии ҷумҳурӣ ба шумор меравад. Тавассути коркарди он дар Тоҷикистон аз пахта зиёда аз 300 намуди маҳсулоти хоҷагии халқ истеҳсол карда мешавад.  Аз як кг нахи пахта ба ҳисоби миёна 5 м лас, 20 м сон (суф), 40—140 адад ришта ғалтак ва аз як кг пунбадонаи пахта 270 г равған, 400 г кунҷора истеҳсол карда мешавад.

Август 28, 2019 16:20

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд