Ҷумъахон Давлатзод: Дар Тоҷикистон сафи бонувон дар хизмати давлатӣ аввал ба 25 ва сипас ба 40 фоиз расонида мешавад

Август 1, 2019 13:10

ДУШАНБЕ, 01.08.2019 /АМИТ «Ховар»/.  Имрӯз масъулини Агентӣ  якчанд нақшаҳоро рӯи даст гирифта, кӯшиш доранд сафи бонувонро дар хизмати давлатӣ аввал ба 25 ва сипас ба 40 фоиз   расонанд. Ин нуктаро имрӯз зимни нишасти матбуотӣ директори Агентии хизмати давлатии назди Президенти Ҷумҳурии Тоҷикистон  Ҷумъахон Давлатзод   иброз намуд.

Зикр шуд, ки мувофиқи таҳлилҳои оморӣ, шумораи хизматчиёни давлатии шаҳрвандӣ аз ҳисоби занон 23,5 фоиз ва аз ҳисоби ҷавонон 47 фоизро ташкил медиҳад. Ин масъала  зери таваҷҷуҳи  ҳамешагии  Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар ин самт корҳо идома доранд.

Ҷумъахон Давлатзод гуфт, ки  ҳоло  аз тарафи масъулин барои ба  хизмати давлатӣ ҷалб намудани бонувон  таваҷҷуҳи махсус зоҳир карда мешавад.   То 1 июл шумораи хизматчиёни давлатӣ аз ҳисоби занон 4 ҳазору 432 нафар буда, дар семоҳаи охир  шумораи онҳо 32 нафар афзоиш ёфтааст. Вале   ин шумора нисбат ба соли гузашта  25 нафар кам буда, дар ин самт  пасту баландшавӣ  ба мушоҳида мерасад.

«Имрӯз Агентии хизмати давлатӣ   дар назди мақомоти давлатӣ ҷиддӣ масъалагузорӣ  намуда, барои  занон  имтиёзҳо муқаррар кардааст. Тибқи имтиёзҳои муқарраргардида,  занҳое, ки бори  аввал ба хизмати давлатӣ ҳуҷҷат месупоранд,  зимни озмун ба онҳо 3 холи иловагӣ дода мешавад.  Ҳоло бо истифодаи 3 холи иловагӣ дар шашмоҳаи якум 36 нафар бонувон ба хизмати давлатӣ ворид карда шудаанд.»,- гуфт номбурда.

Дар масъалаи  ҷавонгардонии хизматчиёни давлатӣ  директори Агентии хизмати давлатӣ иброз дошт, ки  дар ин самт низ ягон мушкилӣ ба назар намерасад.  Ҷавонгардонии ҳайат  барвақт шурӯъ шуда, дар ҳоли афзоиш аст. Ҳоло шумораи ҷавонон дар сафи хизматчиёни давлатӣ ба 8 ҳазору 871  нафар расидааст, ки ин 47 фоизро ташкил медиҳад. Ин шумора нисбат ба соли гузашта 15 нафар зиёд ба қайд гирифта шудааст.   Дар мақомоти марказӣ 52 фоизи хизматчиёни давлатиро ҷавонони то 35-сола ташкил медиҳанд ва синни миёнаи хизматчии давлатӣ дар Ҷумҳурии Точикистон ба 37,5 баробар шудааст.

Бояд гуфт, ки методикае, ки  дар асоси дастуру супоришҳои Сарвари давлат  роҳандозӣ шудааст, натиҷаи хуб ба бор оварда, тамоми таваҷҷуҳ ба ҷавонон ва хусусан  бонувон  равона гардидааст.

 

Август 1, 2019 13:10

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд