ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Боз се Маркази саломатии деҳот дари худро ба рӯи ниёзмандон кушоданд
ДУШАНБЕ, 07.09.2019 /АМИТ «Ховар»/. Дар доираи истиқболи ҷашни 28-умин солгарди Истиқлолияти давлатии Ҷумҳурии Тоҷикистон дар ноҳияи Фархор ду адад ва дар ноҳияи Ёвони вилояти Хатлон як Маркази саломатии деҳот дари худро ба рӯи ниёзмандон боз карданд. Дар ин бора ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Ба иттилои манбаъ, марказҳои саломатии Ғалаба ва Ғайрат, ки дар ноҳияи Фархор воқеъ мебошанд, дар доираи Лоиҳаи «Беҳтаркунии сифати хизматрасонии тиббӣ»-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва дастгирии моливии Бонки ҷаҳонӣ мавриди истифода қарор дода шуданд. Ин ду бинои замонавӣ бо тамоми таҷҳизоти тиббӣ, таҳлилгоҳҳо ва ҷиҳози махсус барои муассисаҳои тандурустӣ муҷаҳҳаз гардонида шудаанд.
Марказҳои саломатӣ тибқи нақшаи ягона бунёд гардида, дорои 6 ҳуҷра, аз ҷумла қабулгоҳ, ҳуҷраҳои эмгузаронӣ, хатна, доругузаронӣ, утоқи табиби оилавӣ ва таҳлилгоҳ мебошанд.
Барои ин ду маркази саломатӣ 85 номгӯй таҷҳизоти тиббӣ ва 24 намуд ҷиҳози тиббӣ, аз ҷумла ҷевон, мизу курсӣ ва лавозимоти дигар харид ва пешниҳод шудаанд, ки барои кори хуби табибон мусоидат мекунанд.
Ҳамчунин дирӯз дар доираи барномаҳои идона дар ноҳияи Ёвони вилояти Хатлон Маркази саломатии деҳоти Чормағзак ифтитоҳ гардид.
Дар маросими ба истифода додани Маркази саломатии навбунёд, ки тамоми аҳолии ҷамоати деҳотро ба ҳам овард, инчунин маросими хатнаи чанде аз тифлакони деҳа дар муҳити идона баргузор карда шуд.
Маркази саломатии мазкур яке аз 37 маркази саломатии деҳотест, ки дар доираи амалисозии Лоиҳаи «Беҳтаркунии хизматрасонии тиббӣ»-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва дастгирии молиявии Бонки ҷаҳонӣ мавриди истифода қарор дода шуд.
Маркази саломатии Чормағзак дар асоси нақшаи ягона бунёд гардида, дорои 6 ҳуҷра, аз ҷумла қабулгоҳ, ҳуҷраҳои эмгузаронӣ, хатна, доругузаронӣ, утоқи табиби оилавӣ ва таҳлилгоҳ мебошад.
Табибон ва ҳамшираҳои шафқат, ки тӯли солҳо дар биноҳои фарсуда ва шароити номусоид ба мардум хизмат мерасониданд, аз фаъолият дар биноҳои замонавии дорои таҷҳизоти тиббӣ изҳори қаноатмандӣ намуда, иброз доштанд, ки минбаъд бо кӯшишу ғайрати дучанд ба мардум хизмат мерасонанд.









Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид






