Дилшод Назаров: «Ҳақиқат ба ҷониби ман аст»

Сентябрь 27, 2019 14:21

ДУШАНБЕ, 27.09.2019 /АМИТ «Ховар»/. Қаҳрамони олимпӣ оид ба гурзандозӣ Дилшод Назаров, ки мебоист аз 27 сентябр то 6 октябр дар Давлати Қатар дар Чемпонати ҷаҳои оид ба варзиши сабук иштирок мекард, ба Тоҷикистон баргашт.

Пас аз бозгашт ба пойтахти Тоҷикистон – шаҳри Душанбе Дилшод Назаров дар саҳифаи худ дар Facebook навиштааст: «Дӯстони азиз, шумо шояд шунидед, ки ба ман намояндагӣ кардан аз давлати худ манъ шудааст. Ман дар Ҷоми ҷаҳон баромад карда наметавонам, зеро маро дар истифодаи доруҳои мамнӯъшуда (допинг) гунаҳкор карданд. Лутфан ба ман каме вақт диҳед, то ман фикрҳоямро ҷамъ карда тавонам. Ман намехоҳам эҳсосотро нишон диҳам, ман мехоҳам далелҳоро пешниҳод кунам. Ба қарибӣ изҳороти худро нашр мекунам. Ҳақиқат дар ҷониби ман аст».

Ёдовар мешавем, ки The Athletics Integrity Unit, ниҳоди мустақили мубориза бо падидаҳои манфӣ дар варзиши сабук 24  сентябр дар сомонаи худ (https://www.athleticsintegrity.org) номи Дилшод Назаровро ба истифодаи допинг муттаҳам ва аз ҳаққи ширкат дар мусобиқаҳои минбаъда  маҳрум кард.

Ба навиштаи созмон, тафтиши дубораи допинг дар мусобиқаи Чемпионати ҷаҳон дар соли 2011 дар Кореяи Ҷанубӣ «дар намунаи Дилшод Назаров маводи мамнӯи метаболити туринаболи даҳонӣ (metaboliteof oralturinabol)-ро ошкор кард.

Сентябрь 27, 2019 14:21

Хабарҳои дигари ин бахш

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд
Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд
ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
БОЗИҲОИ 2-ЮМИ ЗИМИСТОНАИ «БАЧАҲОИ ОСИЁ». Дилшод Назаров ва Владимир Максимов иштироки ҳайати Тоҷикистонро баррасӣ намуданд
Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд
Имрўз дар Тошканд Чемпионати ҷаҳон оид ба гӯштини дзюдо оғоз мешавад
ҶОМИ ОСИЁ-2023 ОИД БА ФУТБОЛ. Тоҷикистон дар аввалин бозӣ бар дастаи мунтахаби наврасони Муғулистон ғолиб омад
ҶОМИ ОСИЁ ОИД БА ФУТЗАЛ. Тоҷикистон бо ду ғалаба ва ду бохт бозиҳои Ҷоми Осиё-2022-ро анҷом дод
Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд