«ПАЙМОНИ МИЛЛӢ» – ФАНОИ НИҲОИИ ҲИЗБИ НАҲЗАТИ ИСЛОМӢ». Чунин арзёбӣ намуд узви ҳайати ҳукуматии Ҷумҳурии Тоҷикистон Абдуллои Раҳнамо дар ҳошияи нишасти САҲА дар Варшава

Сентябрь 21, 2019 10:15

ДУШАНБЕ, 21.09.2019. /АМИТ «Ховар»/. «Паймони миллии Тоҷикистон» — фанои  ниҳоии ҲНИ аст». Чунин  ибрози назар намуд узви ҳайати давлатии Тоҷикистон дар ҳошияи нишасти САҲА дар Варшава Абдуллои  Раҳнамо дар посух ба  савол дар бораи «Паймони миллии Тоҷикистон».

Абдуллои Раҳнамо гуфт: «Дар «Паймони миллӣ»-е, ки мухолифон ташкил кардаанд, ман на паймонро мебинам, на миллиро. Зеро Паймон ҳолатест, ки чанд ҳизбу гурӯҳ ба ҳам омада,  ташкил медиҳанд. Аммо ба ном «Паймони миллӣ»-и мухолифин  танҳо аз чанд ном, номи ба истилоҳ  «устодон» ташкил ёфтааст, ки он созмон буда наметавонад.  Чунин ном ноҳодан ба ҷамъи чанд тан аз ҳамроҳони худ – ин фиреби назар аст. Миллӣ будан ба маънои фарогир будан аст. Вале дар ин ҷо ин ҳолат дида намешавад…».

Ба назари Абдуллои Раҳнамо, ин як лоиҳаи тиҷоратӣ аст, ки ҳадафаш ба даст овардани маблағ аз созмонҳои байналмилалӣ ва давлатҳои гуногун, пеш аз ҳама, кишварҳои хориҷии пуштибони наҳзатиҳост. Ба ин далел ӯ мегӯяд, ки ин лоиҳаи тиҷоратӣ буда,  заминаро барои  ба даст овардани грантҳо ва маблағҳо фароҳам мекунад.

Узви ҳайати давлатии Тоҷикистон ба ин бовар аст, ки «аз назари ақидавӣ ва маънавӣ таъсиси паймон — ин фанои  ниҳоии ҲНИ аст. Зеро ҲНИ аз назари ҳуқуқӣ кайҳо аз байн рафта буд, аммо аз назари сиёсӣ ва иттилоотӣ ҳанӯз  онро дар фазои иттилоотӣ нигоҳ медоштанд. Таъсиси «Паймони миллӣ» далели он аст, ки раҳбарияти паймон ҳизби худро ба осорхонаи таърих  супориданд. Яъне ҲНИ ҳамчун ҳизби сиёсӣ мурда ва аз байн рафтааст ва Паймони миллӣ як навъ санги мазори ин ҳизб аст. Зеро имрӯз ҷаҳониён моҳияти ин ҳизб, собиқаи ин ҳизб ва дидгоҳи ифротии ин ташкилоти террористиро медонанд ва касе омода нест, ки онро маблағгузорӣ кунад.  Ва наҳзатиён бо хиҷолат  ин номро баргузидаанд».

Аз суханони Абдуллои Раҳнамо бармеояд, ки Паймони миллиро метавон дар Тоҷикистон пайдо намуд, дар ваҳдати саросарии мардум, муттаҳид шудани аҳолӣ дар атрофи ниятҳои неку бунёдкоронаи Пешвои миллат дарёфт.  «Паймони миллӣ — сохтмони Неругоҳи барқи обии Роғун аст, зеро бо неруи созандаи мардуми тоҷик бунёд ёфта истодааст.  Сулҳу суботи пойдор, ҷабҳаи бузурги созандагию ободкориҳои Тоҷикистон   — ин худ як Паймони ҳақиқии миллӣ  маҳсуб мешаванд», — иброз дошт Абдуллои Раҳнамо.

Сентябрь 21, 2019 10:15

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»