Дар шаҳри Турсунзода ҳамоиши «Пиряхҳои худро ҳифз менамоем» сурат гирифт

Октябрь 29, 2019 11:17

ТУРСУНЗОДА, 29.10.2019 /АМИТ «Ховар»/. Дар шаҳри Турсунзода дар доираи эълон гардидани Даҳсолаи байналмилалии амал «Об барои рушди устувор» барои солҳои 2018-2028» ва бо мақсади иҷрои супориши Ҳукумати Ҷумҳурии Тоҷикистон  ҳамоиши «Пиряхҳои худро ҳифз менамоем» баргузор шуд.

Мақсади баргузории ҳамоиши мазкур — ин ҳифзи манбаъҳои оби тоза, сарфа ва истифодаи мақсадноки об ва  баланд бардоштани маърифати экологии  сокинон мебошад.

Ҳамоиш бо роҳпаймоии беш аз 800 нафар намояндагони бахшу сохтори мақомоти иҷроияи ҳокимияти давлатии шаҳр, муассисаҳои таълимӣ, коллеҷу литсейҳо, ҷавонони фаъол, намояндагони корхонаву ташкилот ва хоҷагиҳои кишоварзӣ дар масофаи 2 км таҳти шиорҳои «Пиряхҳои Тоҷикистон боигарии давлату миллат аст», «Пиряхҳои худро ҳифз менамоем», «Пиряхҳои Тоҷикистон — кафолати серобии минтақа» оғоз гардид.

Дар ҳамоиш намояндагони мақомоти иҷроияи ҳокимияти давлатии шаҳр, мутахассисони шуъбаи ҳифзи муҳити зист ва устодону шогирдони муассисаҳои таълимӣ доир ба ташаббусҳои Тоҷикистон дар арсаи байналмилалӣ дар мавзӯи об, пешгирии гармшавии иқлим, таъсири манфии обшавии пиряхҳо ва дигар масъалаҳои марбут ба об маърӯзаҳо  намуданд.

Сардори шуъбаи ҳифзи муҳити зисти шаҳри Турсунзода  Лоиқ Раҳмонов гуфт, ки «об ганҷи раҳмат ва ганҷи беминнат аст. Мо, сокинони  саодатманди Тоҷикистони соҳибистиқлол дар навбати худ бояд барои ободонии ҳар гӯшаи Ватанамон кӯшиш намоем. Мо бояд  ҳар қатраи ин ганҷи нотакрори ҳаётро поку масаффо нигоҳ дошта, нагузорем, ки ин сарвати бебаҳо беҳуда исроф гардад».

Октябрь 29, 2019 11:17

Хабарҳои дигари ин бахш

ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд