Дар Тоҷикистон Стратегияи миллии фарогирии молиявӣ таҳия ва қабул мегардад

Октябрь 3, 2019 16:20

ДУШАНБЕ, 03.10.2019/АМИТ «Ховар»/. Интизор меравад, ки дар оянда дар Тоҷикистон Стратегияи миллии фарогирии молиявӣ қабул  гардад. Дар ин замина Бонки миллии Тоҷикистон дар ҳамкорӣ бо шарикони рушд Гурӯҳи кории дохилиидоравӣ барои таҳияи Стратегия таъсис додааст ва барои расонидани кумаки техникӣ ва ҷалби коршиносони байналмилалӣ, Созишнома бо Корпоратсияи байналмилалии молиявӣ дар доираи лоиҳаи «CAFINC» ба имзо расонида шуд, ки қадамҳои минбаъдаро барои таҳияи Стартегияи миллии фарогирии молиявӣ муайян менамояд.

Дар ин росто, дар Душанбе раванди таҳияи «Стратегияи миллии фарогирии молиявӣ дар Ҷумҳурии Тоҷикистон» зимни нишаст баррасӣ  гардид.  Муовини Раиси Бонки миллии Тоҷикистон Лола Салимова изҳор дошт, ки дар шароити муносибатҳои муосири хоҷагидорӣ натиҷаҳои фаъолияти низоми бонкӣ ва молиявии мамлакат тавассути фаро гирифтани аҳолӣ ба хизматрасониҳои гуногуни молиявию бонкӣ баҳодиҳӣ мешаванд. Аз ин рӯ, Бонки миллии Тоҷикистон бо мақсади дастрасию истифодаи хизматрасониҳои баландсифати бонкӣ баҳри рушди соҳибкории хурду миёна, зиёд гардидани миқдори суратҳисобҳо дар ташкилотҳои қарзӣ, ҳисоббаробаркуниҳои ғайринақдӣ тавассути низомҳои пардохтии электронӣ, интиқоли маблағҳои пулӣ, ҷалби пасандозҳои аҳолӣ, пешниҳоди қарзҳои дастрас, рушди бозори суғуртавӣ ва баланд бардоштани саводнокии молиявии аҳолӣ зарурати таҳияи «Стратегияи миллии фарогирии молиявӣ дар Ҷумҳурии Тоҷикистон»-ро муҳим ва саривақтӣ мешуморад.

Муовини директори Котиботи Швейтсария оид ба масоили иқтисодӣ (SECO) Коринн Деменҷ ва Намояндаи доимии Бонки ҷаҳонӣ дар Тоҷикистон  Ян Петер Олтерс зикр  карданд, ки таҳияи «Стратегияи миллии фарогирии молиявӣ дар Ҷумҳурии Тоҷикистон» саривақтӣ буда, метавонад ба рушди минбаъдаи иқтисодиёти мамлакат саҳми арзанда гузорад.

Мутахассисону намояндагони Бонки ҷаҳонӣ,  Пажӯҳишгоҳи илмӣ-тадқиқотии Бонки миллии Тоҷикистон  ва Корпоратсияи байналмилалии молиявӣ доир ба «Стратегияи миллӣ оид ба дастрасии молиявӣ: таҷрибаи ҷаҳонӣ ва беҳтарин амалияҳо барои Тоҷикистон», «Вазъи дастрасии молиявӣ дар Тоҷикистон» «Стратегияи миллии фарогирии молиявӣ дар Ҷумҳурии Тоҷикистон барои Тоҷикистон: қадамҳои пешниҳодшаванда, раванд ва муҳлатҳо» сухан карда, оид ба вазъи дастрасии молиявии кунунӣ дар Тоҷикистон ва корҳои дар ин самт анҷомдодашуда, ташкили раванди таҳия ва муҳлати пешниҳоди он маълумоти мухтасар пешниҳод намуданд. Аъзои Гурӯҳи кории «Стратегияи миллии фарогирии молиявӣ дар Ҷумҳурии Тоҷикистон» доир ба самти техникӣ, таҳияи лоиҳа, муайянсозии ҳадафҳо, замина, ҳамоҳангсозии кори Гурӯҳи корӣ, муҳлатҳои пешкаши маводҳо ва роҳҳои таҳвили нуқтаҳои дастрасӣ ибрози назар карданд.

Зикр гардид, ки Бонки миллии Тоҷикистон барои баланд бардоштани сатҳу сифати хизматрасонии бонкӣ, савияи касбии кормандони низоми бонкӣ ва пешниҳоди қарзҳои дастрасу босифат, мусоидат ба рушди иқтисодиёти рақамӣ омода аст   бо вазорату идораҳо, ташкилотҳои байналмилалии молиявӣ ва тарафҳои манфиатдор ҷиҳати таҳия ва коркарди «Стратегияи миллии фарогирии молиявӣ дар Ҷумҳурии Тоҷикистон» ҳамкории судманд роҳандозӣ намояд.

Октябрь 3, 2019 16:20

Хабарҳои дигари ин бахш

ИМРӮЗ — РӮЗИ УМУМИҶАҲОНИИ БЕХАТАРИИ МАҲСУЛОТИ ОЗУҚАВОРӢ. Танҳо як ҳолати назарногири риоя накардани ин талабот боиси сар задани бемориҳо ва марги инсонҳо мешавад
СУПОРИШИ ПРЕЗИДЕНТ. Дар ноҳияи Ҷайҳун 500 гектар замин ба гардиши кишоварзӣ дароварда шуд
Дар Душанбе ҷаласаи 16-уми Кумитаи ҳамоҳангсоз оид ба содагардонии расмиёти савдо доир гардид
«Еximbank»-и Корея дар Минтақаи озоди иқтисодии «Кӯлоб» Маркази логистикӣ бунёд менамояд
Дар шаҳри Ганҷаи Озарбойҷон ҷаласаи 76-уми Шӯрои роҳбарони хадамоти гумруки ИДМ баргузор гардид
Дар корхонаи «Пойафзоли Кангурт» давоми 4 моҳи соли равон 5490 ҷуфт пойафзоли мардона истеҳсол гардидааст
Дар Душанбе бо иштироки Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани машварат доир шуд
ҚУРБИ АСЪОР: дар Тоҷикистон 1 доллари ИМА аз 10.9136 то 10.9400 сомонӣ муқаррар карда шудааст
Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд
Дар ноҳияи Бобоҷон Ғафуров таъмини заминҳои кишоварзӣ бо оби полезӣ таҳти таваҷҷуҳи доимӣ қарор дорад
Антанелла Бассани: «Бонки ҷаҳонӣ дар оянда низ ҳавасманди ҳамкорӣ бо Тоҷикистон мебошад»
11 мутахассиси соҳаи нақлиёти Тоҷикистон дар Ҷопон таҷриба меомӯзад

Маводҳои таҳлилӣ