Мактаб-интернатҳои ҷумҳуриявӣ ва Хона-интернати беморони рӯҳии шаҳри Ҳисор ба давраи тирамоҳу зимистон омода мебошанд

Октябрь 11, 2019 09:19

ҲИСОР, 11.10.2019. /АМИТ «Ховар»/. Баҳри дар амал тадбиқ намудани Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2019-2020» масъулини мактаб–интернатҳои ҷумҳуриявии низомашон махсус, кӯдакони нобино ва сустбин  ва Хона-интернати  беморони рӯҳии шаҳри Ҳисор нақшаҳои пешниҳодгардидаро сад фоиз иҷро намуданд.

Директори Хона-интернати беморони рӯҳии шаҳри Ҳисор Умар Акрамзода зикр намуд, ки «айни замон дар муассиса 242 нафар беморони рӯҳию маъюб зиндагӣ менамоянд ва ба онҳо 122 нафар кормандон ба таври шабонарӯзӣ мувофиқи басти корӣ хизмат мерасонанд.  Ин табақаи ниёзманди аҳолӣ зери назорати махсуси Ҳукумати Ҷумҳурии Тоҷикистон қарор дорад. Мо барои бо гармӣ таъмин намудани ҳуҷраҳои онҳо 100 тонна ангишт, 70 куб ҳезум ва 300 литр сӯзишвории дизелӣ барои генераторҳои барқдиҳанда захира намудаем. Инчунин барои се вақт бо хӯроки гарм таъмин намудани беморон то охири мавсим дар анборҳои муассиса 6300 кг картошка, 2100 кг пиёз, 9600 кг орд ва 630 литр равған захира менамоем. Бо боварӣ гуфта метавонам, ки мо ба давраи зимистони имсола омода буда, 242 нафар беморони рӯҳиро бо ҷои гарму хӯрокҳои лазиз таъмин намуда, ба онҳо дар сатҳи баланд хизмат мерасонем».

Тибқи иттилои масъулини мактаб–интернатҳои ҷумҳуриявии низомаш махсус  ва кӯдакони нобинои шаҳри Ҳисор, дар ин ду муассиса то имрӯз 229 тонна ангишт ва 120 куб ҳезум захира гардидааст. Айни замон синфхонаҳо ва утоқҳои хоби кӯдакон бо гармӣ таъмин мебошанд. Аз маълумоти масъулини ин ду муассиса бармеояд, ки барои бо гармӣ таъмин намудани интернатҳо дар фасли зимистон ва сари вақт додани хӯроки гарм ба кӯдакони эҳтиёҷманд тамоми тадбирҳо андешида шуда, айни ҳол дар ин самт ягон мушкилӣ вуҷуд надорад.

Октябрь 11, 2019 09:19

Хабарҳои дигари ин бахш

Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид