Роҳбарияти Кумитаи миллии олимпии Тоҷикистон дар кори Ассамблеяи генералии 24-уми Ассотсиатсияи кумитаҳои миллии олимпӣ ширкат дорад
ДУШАНБЕ, 17.10.2019 /АМИТ «Ховар»/. 17-18 октябр дар шаҳри Давҳаи давлати Қатар Ассамблеяи генералии XXIV Ассотсиатсияи кумитаҳои миллии олимпӣ (ANOC) баргузор мегардад. Дар ин бора корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Каримҷон Салимзода ба шореҳи варзиши АМИТ «Ховар» Меҳрони Қурбон хабар дод.
Тибқи иттилои манбаъ, беш аз 1000 нафар намояндагони 204 кумитаи миллии олимпӣ, ташкилотҳои минтақавӣ, Кумитаи байналмилалии олимпӣ, ташкилотҳои байналмилалии варзишӣ дар ҷаласаи дурӯза дар Давҳа муҳимтарин масъалаҳои соҳаи варзишро баррасӣ мекунанд.
Кумитаи миллии олимпии Тоҷикистонро дар ҷаласаи мазкур ноиби Президент Аҳтам Абдуллозода ва котиби генералӣ Муҳаммадшо Абдуллозода намояндагӣ мекунанд.
Дар ҷаласа ҳисоботи президенти ANOC, котиби генералӣ, комиссияи молиявӣ шунида шуда, доир ба масъалаҳои Бозиҳои олимпии Токио-2020, Бозиҳои зимистонаи олимпии наврасон – Лозанна-2020, аввалин Бозиҳои соҳилии ҷаҳон, ки 16 октябр дар Давҳа ба анҷом расиданд, Бозиҳои зимистонаи олимпии Пекин-2022, Бозиҳои тобистонаи олимпии наврасон – Дакар-2022, Бозиҳои олимпии Париж-2024, Бозиҳои зимистонаи олимпии Милано/Картина-2026 масъулони кумитаҳои тадорукот гузориш медиҳанд.
Бояд зикр кард, ки дар доираи ҷаласа маросими ҷоизасупории ANOC низ дар назар аст.
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
Ҷоизаи Президенти Ҷумҳурии Тоҷикистон дар ҳаҷми зиёда аз 2 миллион сомонӣ ба варзишгарони муваффақ тақдим гардид
АРТИШИ МИЛЛӢ — КАФИЛИ ИСТИҚЛОЛИ ДАВЛАТӢ. Дар Донишкадаи тарбияи ҷисмонӣ Рӯзи таъсиси Қувваҳои Мусаллаҳи Тоҷикистонро таҷлил намуданд
Дар Душанбе маросими ҷоизасупорӣ дар соҳаи тарбияи ҷисмонӣ ва варзиш баргузор мегардад
Дар мусобиқаи байналмилалии «Tashkent Grand Slam 2026» оид ба гӯштини ҷудо 17 варзишгари тоҷик иштирок менамояд
ФУТБОЛ. Дастаи мунтахаби наврасони Тоҷикистон дар мусобиқаи байналмилалӣ дар Хиросима иштирок мекунад
ҶОМИ ФФТ-2026. Ҷуфтҳои даври нимниҳоии мусобиқа муайян шуданд
