Сарвазири Ҷумҳурии Тоҷикистон дар ҷаласаи Шӯрои сарони ҳукуматҳои ИДМ дар Москва иштирок намуд
ДУШАНБЕ, 26.10.2019 /АМИТ «Ховар»/. 25 октябр ҳайати Ҷумҳурии Тоҷикистон бо роҳбарии Сарвазир Қоҳир Расулзода дар ҷаласаи Шӯрои сарони ҳукуматҳои Иттиҳоди Давлатҳои Мустақил дар шаҳри Москва иштирок намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни ҷаласа сарвазирони давлатҳои ИДМ оид ба масъалаҳои муҳими ҳамкории иқтисодӣ табодули афкор намуда, роҳҳои минбаъдаи рушди ҳамкориро дар доираи ИДМ мавриди муҳокима қарор доданд.
Дар ҷаласа як зумра санадҳо, аз ҷумла Консепсияи ҳамкории давлатҳои аъзои ИДМ дар соҳаи рушди рақамӣ дар ҷомеа ва Нақшаи чорабиниҳои афзалиятноки татбиқи он қабул карда шуд.
Сарони ҳукуматҳо ҳамчунин Стратегияи амнияти иттилоотиро барои давлатҳои аъзои ИДМ тасдиқ карданд.
Дар маҷмуъ, дар натиҷаи ҷаласа 13 санади ҳамкорӣ, аз ҷумла Созишнома дар бораи ҳамкорӣ оид ба таҳия ва истифодаи намунаҳои стандартии таркиб ва хосияти моддаҳо, қарорҳо оид ба маҷмӯи амалҳои муштараки давлатҳои аъзои ИДМ оид ба пешгирӣ ва мубориза бо зукоми паранда ва бемории Нюкасл барои давраи то соли 2025, дар бораи самтҳои асосии фаъолияти мақомоти зиддиинҳисорӣ, дар бораи самтҳои асосии рушди радиои навигатсионии кишварҳои ИДМ барои солҳои 2019-2024, оид ба татбиқи барномаи байнидавлатии «Рекултиватсияи (эҳёи) қаламрави давлатҳо, ки зери таъсири истеҳсол ва коркарди уран монданд» дар соли 2018, дар солҳои 2020-2024 идома додани ҷустуҷӯи хизматчиёни ҳарбии дар ҷанги Афғонистон (солҳои 1979-1989) беному нишон шуда, ҷойҳои дафн, қабрҳо, муайян кардани ҷасадҳо ва ба хок супурдани онҳо дар Ватан, дар бораи Бозиҳои кишварҳои ИДМ, Протокол ба Созишномаи ҳамкорӣ байни давлатҳои аъзои ИДМ дар соҳаи мубориза бар зидди гардиши ғайриқонунии маводи нашъадор, моддаҳои психотропӣ ва прекурсорҳо аз 30 ноябри соли 2000 ба имзо расиданд.
Ҷаласаи навбатии Шӯрои сарони ҳукуматҳои давлатҳои ИДМ 29 майи соли 2020 дар шаҳри Тошканд баргузор хоҳад шуд.
АКС ВКХ ҶТ
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
