Дар бозори «Корвон плюс»-и шаҳри Душанбе машқи шабонаи тактикию оташнишонӣ — амалиёти махсуси «Сӯхтор» гузаронида шуд

Ноябрь 1, 2019 09:09

ДУШАНБЕ, 01.11.2019. /АМИТ «Ховар»/. Cоати 00:03-и шаби 31 октябр  дар бозори «Корвон плюс»-и шаҳри Душанбе аз ҷониби  Сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон машқи шабонаи тактикию оташнишонӣ — амалиёти махсуси «Сӯхтор» гузаронида шуд. Ба он  ҷузъу томҳои Сарраёсати хадамоти давлатии оташнишонӣ,  роҳбарият, ҳайати шахсии Раёсати Вазорати корҳои дохилӣ дар шаҳри Душанбе ва сохторҳои он, РБДА, Раёсати тиббии ВКД ва дигар раёсатҳои мақомоти корҳои дохилӣ, инчунин хадамоти садамавию наҷотдиҳӣ, аз ҷумла, кормандони шабакаҳои барқ, ёрии таъҷилии тиббӣ, Корхонаи воҳиди давлатии «Обу корезии шаҳри Душанбе», масъулин ва дружинаи идоравии оташнишонию муҳофизони бозори мазкур сафарбар гардиданд.

Тавре аз маркази матбуоти Вазорати  корҳои дохилӣ  ба АМИТ «Ховар» хабар доданд, дар амалиёти муштарак 634 нафар кормандони хадамоту мақомоти дахлдор, 47 адад воситаҳои нақлиёти сӯхторхомӯшкунию ёрирасон ва дигар техникаву таҷҳизоти  зарурӣ ҷалбу истифода бурда шуданд.

Тибқи нақшаи амалиёти махсуси «Сӯхтор» гӯё дар даромадгоҳи 3-юми бозори «Корвон плюс» дар масоҳати 1200 метри мураббаъ сӯхтор рух дода, бинобар сабаби вазъи номусоидии обу ҳаво ва вазидани шамоли сахт, таҳдиди паҳншавии алангаи оташ ба дигар қисматҳои бозор ба миён омадааст. Бо назардошти вазъияти мураккаби ба амаломада, роҳбарии амалиёти рафъи ҳодисаи шартиро сардори Сарраёсати мазкур, генерал-майори хизмати дохилӣ Нозимҷон Иброҳимзода бевосита ба зиммаи худ гирифт.

Бо таъсис додани Ситоди оташнишонӣ, фавран  муайян намудани самтҳои асосии ҳалкунанда дар сӯхтор ва дуруст сафарбар намудани тамоми қувва ва воситаҳо ба 6 минтақаҳои муҳорибавӣ, 12 бахши  хизматбарӣ, 15 нуқтаҳои назоратӣ-гузаргоҳӣ, 28 минтақаю ҷойҳои хизматбарӣ ва 2 хатсайрҳои пайраҳадории БДА, ки аз ҷиҳати интихоби мавқеъ барои дар кӯтоҳтарин фурсат хомӯш намудани сӯхтор, ҳифзи таъмини тартиботи ҷамъиятӣ, амнияти молу мулки соҳибкорону савдогарон дар ҷойи ҳодисаи шартӣ самаранок ва ба мувофиқ буданд, ба иштирокчиёни амалиёт имкон дод, ки алангаи оташро дар ҳамаи самтҳо сари вақт пешгирӣ намуда, сӯхтори шартиро бе паҳншавӣ  ба зудӣ  хомӯш намоянд.

Мавриди зикр аст, ки баргузории чунин машқҳои муштарак дараҷаи олии тайёрии тактикии ҳайати роҳбарикунандаву шахсии Хадамоти давлатии оташнишонӣ ва ҳолати омодабошии масъулону кормандони дигар хадамоту мақомоти дахлдор, инчунин воситаи муҳими ноил шудан ба сатҳи баланди тайёрии муҳорибавӣ ҷиҳати рафъи ҳолатҳои сӯхтор ва дигар ҳодисаҳои фавқулода маҳсуб мешавад.

Бинобар ин, ба масъалаи тайёрии тактикии кормандони мақомоти корҳои дохилӣ роҳбарияти Вазорати корҳои дохилии Ҷумҳурии Тоҷикистон ва Сарраёсати хадамоти давлатии оташнишонӣ таваҷҷуҳи махсус зоҳир намуда, баҳри такмили ихтисос ва сайқал додани донишу малакаи касбии кормандон мунтазам машғулиятҳои назариявию амалӣ ба роҳ мондаанд.

 

Ноябрь 1, 2019 09:09

Хабарҳои дигари ин бахш

Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд