Дар Москва ҷаласаи XXVI Шӯрои ҳамоҳангсози роҳбарони мақомоти андози ИДМ баргузор гардид

Ноябрь 22, 2019 16:05

ДУШАНБЕ, 22.11.2019. /АМИТ/ «Ховар». Хадамоти андозхо технологияҳои иттилоотӣ ва ташкили хизматрасониро фаъолона тавсеа медиҳанд, ки он доираи васеи хизматрасониҳоро барои андозсупорандагон дар шакли электронӣ пешниҳод менамояд. Дар натиҷаи он сифати хизматрасонӣ ба андозсупорандагон аз ҷониби мақомоти андоз ниҳоят мувофиқ  мебошад. Ин матлабро Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода дар ҷаласаи XXVI Шӯрои ҳамоҳангсози роҳбарони мақомоти андози Иттиҳоди Давлатҳои Мустақил иброз намуд.

Тавре аз Раёсати ҳамкории байналмилалӣ ва андозбандии Кумитаи андози назди Ҳукумати Ҷумҳурии Тоҷикистон ба АМИТ «Ховар» иброз намуданд, ҷаласаи XXVI Шӯрои ҳамоҳангсози роҳбарони мақомоти андози ИДМ 18-21 ноябр дар шаҳри Москваи Федератсияи Россия баргузор гардид. Дар ҷаласаи навбатии Шӯро намояндагони мақомоти андози Тоҷикистон, Озарбойҷон, Арманистон, Беларус, Қазоқистон, Қирғизистон, Молдова ва Россия иштирок доштанд.

Кори ҷаласаро роҳбари Хадамоти федералии андози Федератсияи Россия Михаил Мишустин ва муовини якуми Раиси Ҳукумат – Вазири молияи Федератсияи Россия Антон Силуанов бо суханҳои ифтитоҳӣ оғоз намуданд.

Яке аз мавзӯъҳои асосие, ки мавриди муҳокимаи роҳбарони мақомоти андози кишварҳои ИДМ қарор гирифт, ин “Таъсири иқтисоди рақамӣ ба рушди низоми андозбандӣ дар кишварҳои ИДМ” буд.

Бо мақсади васеъ намудани ҳамкорӣ ва таҳким бахшидан ба ҳамкории минтақавӣ дар ҷаласа ба ҳайси нозир намояндагони мақомоти андози Ҷумҳурии Мардумии Чин, Ҷумҳурии Ӯзбекистон ва ташкилотҳои байналмилалии Комиссияи Авруосиёгии Иқтисодӣ, Созмони Ҳамкории Иқтисодӣ ва Рушд (OECD), Созмони дохилиаврупоии мақомоти андоз (IOTA), Бонки ҷаҳонӣ ва Хазинаи байналмилалии асъор иштирок намуданд.

Дар анҷоми ҷаласа ҷонибҳо иброз доштанд, ки ҳамкории мақомоти андози давлатҳои аъзои ИДМ ҷиҳати баррасии масъалаҳои муҳими фаъолияти минбаъдаи мақомоти андоз дар доираи Шӯро самаранок ва муфид мебошад.

Ноябрь 22, 2019 16:05

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст