Дар шаҳри Санкт-Петербург ҷаласаи 14-уми Ассамблеяи ҷавонони байнипарлумонии ИДМ баргузор гардид
ДУШАНБЕ, 23.11.2019 /АМИТ «Ховар»/. 21-22 ноябр дар шаҳри Санкт-Петербурги Федератсияи Россия ҷаласаи 14-уми Ассамблеяи ҷавонони байнипарлумонии Иттиҳоди Давлатҳои Мустақил таҳти раёсати вакили Маҷлиси намояндагони Маҷлиси Олии Ҷумҳурии Тоҷикистон Қиёмиддин Миралиён баргузор гардид.
Дар ин бора котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод.
Дар кори ҷаласа намояндагони Тоҷикистон, Қазоқистон, Қирғизистон, Арманистон, Молдова ва Россия иштирок намуданд.
Дар рӯзномаи ҷаласа 9 масъала баррасӣ гардида, иштирокчиён атрофи фарҳанги сиёсӣ ва сиёсати ҷавонон дар сатҳи кишварҳои ИДМ сухан гуфтанд. Қиёмиддин Миралиён вобаста ба масъалаи таҳким бахшидани фаъолияти Ассамблеяи ҷавонон ва фаъол гардонидани намояндагиҳои кишварҳо пешниҳод манзур намуд, ки аз ҷониби вакилон ҳамаҷониба пазируфта шуд.
Ҳамзамон дар ин рӯз бо ҳамраисии Қиёмиддин Миралиён бо иштироки васеи вакилон аз кишварҳои ИДМ байни Ассамблеяи ҷавонони байнипарлумонии ИДМ ва Комиссияи Ассамблеяи байнипарлумонии ИДМ оид ба сиёсати кишоварзӣ, захираҳои табиӣ ва экологӣ ҳамоиши муштарак доир гардид. Дар он намояндагони ҷавон ва олимону коршиносони соҳа дар мавзӯи “Рушди устувори ҳудудҳои кишоварзӣ” суханронӣ намуданд.
Дар кори ҷаласа ҳамчунин корманди масъули дастгоҳи Маҷлиси намояндагон Шамсулло Қурбонов иштирок намуд.
Ба муассисаҳои таҳсилӣ ва бунгоҳҳои тиббии ноҳияи Ҳамадонӣ 10 компютери замонавӣ тақдим карда шуд
Дар Маҷлиси намояндагони Маҷлиси Олии Ҷумҳурии Тоҷикистон ҳамоиши идонаи наврӯзӣ доир гардид
Доир ба таҳсилоти фарогир барои кӯдакони имконияташон маҳдуд дар Тоҷикистон ҳамоиш баргузор гардид
Дар Душанбе иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Имрӯз ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагон Созишнома оид ба лоиҳаи «Дастгирии соҳаи кишоварзӣ дар заминаи ҷомеа» ба тасвиб расид
Имрӯз дар Душанбе иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мешавад
Қонун «Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо» муаррифӣ гардид
Пагоҳ дар Душанбе иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мешавад
15 март иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мешавад
Ҳайати парлумонии Тоҷикистон дар ҷаласаи Комиссияи назорат ва буҷети Ассамблеяи байнипарлумонии ИДМ иштирок намуд
Вакилони Парлумони Тоҷикистон дар кори комиссияҳои доимии Ассамблеяи байнипарлумонии Иттиҳоди Давлатҳои Мустақил иштирок намуданд
