Дар Тоҷикистон Ҳафтаи филмҳои русӣ сурат мепазирад
ДУШАНБЕ, 09.11.2019 /АМИТ «Ховар»/. Аз 16 то 20 ноябр дар Тоҷикистон Ҳафтаи филмҳои русӣ баргузор мегардад. Дар ин бора ба хабарнигори АМИТ «Ховар» аз Иттифоқи синамогарони Тоҷикистон иттилоъ доданд.
Ба иттилои манбаъ, Ҳафтаи филмҳои русӣ бо ташаббусу дастгирии Вазорати фарҳанги Федератсияи Россия, Ҷамъияти дорои масъулияти маҳдуди «ФЕСТСИНЕМА» ва Иттифоқи синамогарони Тоҷикистон баргузор мегардад.
Дар назар аст, ки дар ин рӯзҳо филмофарони рус дар Кохи кино, воқеъ дар кинотеатри «Зебуниссо» ба бинандаҳои тоҷик филмҳои наверо, ки маънии баланди фарҳангию иҷтимоӣ доранд, намоиш диҳанд.
Ҳадафи баргузории ҳафтаи мазкур ҷалби тамошобинон ба кинои рус ва густариши робитаҳои фарҳангӣ миёни Россия ва Тоҷикистон мебошад.
Дар доираи барномаи мазкур филмҳои «Замоне дар Трубчевск» (коргардон Лариса Садилова, 2019), «Одесса» (коргардон Валерий Тодоровский, 2018), «Якшанбе» (коргардон Светлана Проскурина, 2019), «Керосин» (коргардон Юсуф Розиқов, 2019), «Ин доимӣ нест» (коргардонҳо Евгения Яскина ва Алёна Рубинштейн, 2019) ва «Хоҳарак» (коргардон Александр Галибин, 2019) намоиш дода мешаванд.
Ёдовар мешавем, ки ҶДММ «ФЕСТСИНЕМА» бо роҳбарии Сергей Лос «Ҳафтаи филмҳои русӣ»-ро аллакай дар чандин давлатҳои узви Иттиҳоди Давлатҳои Мустақил барпо кардааст.
Дар Душанбе низ дар доираи ин чорабинӣ вохӯрии эҷодӣ бо синамогарони машҳури рус ва намоиши шаш филми русӣ дар Хонаи — кино «Зебунисо», ки дар суроғаи шаҳри Душанбе, кӯчаи Садриддин Айнӣ 131 воқеъ аст, дар назар дошта шудааст.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
